“Eurovision-2016” təmsilçimiz Səmra Rəhimli finala vesiqə qazandı

Stokholmun “Globe” arenasında “Eurovision-2016” mahnı müsabiqəsinin birinci yarımfinalında "Miracle" mahnısı ilə çıxış edən Səmra Rəhimli səs çoxluğu qazanıb.

     Stokholmun “Globe” arenasında “Eurovision-2016” mahnı müsabiqəsinin birinci yarımfinalında "Miracle" mahnısı ilə çıxış edən Səmra Rəhimli səs çoxluğu qazanıb. Axşam.az xəbər verir ki, 14-cü yerdə çıxış edən Səmra ilk olaraq yarımfinala keçib. İlk 5-likdə Azərbaycanla yanaşı, Rusiya, Niderland, Macarıstan və Xorvatiya olub. Səmra Rəhimli yarımfinaldan dərhal sonra keçirilən mətbuat konfransında:"Mən çox xoşbəxtəm, yəqin ki, qələbə sevincini sabah anlayacağam. Mənə səs verən, dəstək olan hər kəsə minnətdarlığımı bildirirəm. Finalda qələbə qazanmaq üçün əlimdən gələni əsirgəməyəcəyəm"söyləyib. Səmra Rəhimli jurnalistlərin “Daha öncəki Azərbaycan təmsilçiləri finala vəsiqə qazanıb. Siz bununla bağlı təzyiq yaşadınızmı?” sualını cavablandırarkən deyib:  “Mən ölkəmi bu mötəbər müsabiqədə təmsil etdiyim üçün qürur duyuram. Burada olduğum üçün çox sevincliyəm. İnanmıram ki, nə zamansa bu qədər xoşbəxt ola bilərəm. Mən hər hansı bir təzyiq hiss etmirəm. Yalnız tamaşaçıların dəstəyini hiss etdim. Çıxışım zamanı yalnız ifa və performansım haqqında düşünürəm. Mən çox şadam. Hisslərimi izah edə bilmirəm. Möhtəşəm şou göstərmək arzusundayam. Komandamızın üzərində çalışdığı performans alındı”.

     “Eurovision 2011” qalibi Nigar Camal tədbirlərin birində kitab oxuyarkən görüntülənib. Müğənni Əlvənd Mehmanın “Avropalı agent: Kod 152” adlı əsərini oxuduğunu bildirib. 

      Əməkdar artist Röya Ayxanın oğlu Hüseyn onun üçün sürpriz edib. Müğənni övladının ona tort hazırladığını bildirib:“İnanmayacaqsınız, amma Hüseyn bişirib. Onu da deyim ki, bu oğlumun ilk işi deyil. Telefonuna kulinariya yükləyib və hər şirniyyatı çox dadlı hazırlayır. Bir az səliqəsiz olsa da... Mən çox xoşbəxtəm”.

     Müğənni Zamiq Hüseynov şou-biznesdə seçilən ifaçı olduğunu iddia edib. Sənətçi açıqlamasında bir çoxlarının onun geyim tərzini təkrarladığını bildirib:“Həm geyimim, həm də mahnılarımla seçilmək istəmişəm. Bunu bacarmışam da. İndi bəziləri mənə baxıb geyinirlər. Buna görə də çox şadam. Sənətdə iz qoyub getmək böyük işdir. Amma gərək hər gün idman da etsinlər ki, formada olsunlar”.

 

Əhəd Miriyev

 

MuzTv.az