Gülay yenicə barışdığı həmkarından danışdı

Müğənni Gülay Zeynalovanın açıqlamalarının birində “Adım brend olub” deməsi bir çox müzakirələrə səbəb olub. 

    Müğənni Gülay Zeynalovanın açıqlamalarının birində “Adım brend olub” deməsi bir çox müzakirələrə səbəb olub. Sənətçi isə işlətdiyi ifadənin yanlış anlaşıldığını iddia edib. Zeynalova, aparıcılar Sevil və Sevincin verilişdə  “Özünü brend adlandırandan sonra səni qınayanlar oldu? Röya Ayxanla özünə problem axtarırsan” sualını da cavabsız qoymayıb: ““Gülay adlı xanımlarımız çoxdur. Amma mən tanınıram, seçilirəm, nümunəyəm. Bizim sənətdəki bütün xanımların adı brenddir. Röya xanıma söz atdığım deyildi. O xanımla heç bir problemim yoxdur. Ad alanda ilk təbrik edənlərdən oldum. Heç vaxt adım qalmaqalda hallanmayacaq. Bu mənim aldığım tərbiyədən irəli gəlir. Mənim ailəm, sənətim, hörmətim var. Ona görə sağlam rəqabət aparıram”

    Müğənni küsülü olduğu həmkarından da danışıb. Xanəndə Eldəniz Məmmədovla arasında inciklik yaşandığını söyləyən Gülay, onunla yeni barışdığını vurğulayıb: “Adımın qalmaqalda hallanmasını sevmirəm. Kimdənsə küsəndə onu gündəmə gətirmirəm. Heç kim bilmir ki, mən Eldənizlə küsülü idim. Bu yaxınlarda isə barışdıq. Allah insana dil, düşüncə, göz verib. Sözümüz kiminsə boğazından keçməyə bilər. Ona görə də hər problemi danışıb yoluna qoymaq lazımdır, danışıb yoluna qoyduq”.

 

Sevda Məmmədova

Çingiz Abdullayev

 

Muz-Tv.az