Bu gün “Eurovision”-ın ikinci yarımfinalı baş tutacaq

Bu gün “Eurovision” mahnı müsabiqəsinin ikinci yarımfinalı reallaşacaq. 

     Bu gün “Eurovision” mahnı müsabiqəsinin ikinci yarımfinalı reallaşacaq. Axşam.az-ın məlumatına görə, İsveçin paytaxtı Stokholmda yerləşən “Qloben” arenada baş tutacaq gecədə 18 ölkənin təmsilçiləri səhnəyə çıxacaq və mahnılarını oxuyacaqlar. Onlardan yalnız onu finala vəsiqə qazanacaq. Bugünkü yarımfinalda Latviya, Polşa, İsveçrə, İsrail, Belarus, Serbiya, İrlandiya, Makedoniya, Litva, Avstraliya, Sloveniya, Bolqarıstan, Danimarka, Ukrayna, Norveç, Gürcüstan, Albaniya və Belçika çıxış edəcək.Yarışmanın finalı mayın 14-də baş tutacaq.

    Mayın 14-də aktrisa Sinem Koballa evlənməyə hazırlaşan aktyor Kənan İmirzalıoğlu toy hazırlıqlarını bitirib."Ezel" serialında birgə rol aldığı Tuncel Kurtizə böyük hörmət edən aktyor vaxtında sənətçiyə "Evlənsəm, nikah şahidim sən olacaqsan" deyib. Ustad aktyorun ölümündən sonra onun həyat yoldaşı Menend xanımı tez-tez yad edən K.İmirzalıoğlu verdiyi sözə əməl etmək fikrindədir.O, Menend xanımı şəxsən özü toya dəvət edərək "Nikah şahidim olsanız çox xoşbəxt olaram. Tuncel ata vəfat etməsəydi, o olacaqdı" deyib.Gözləri dolan qadın "çox təşəkkür edirəm, mərasimə sevərək gələcəyəm. Şahidlik üçün mənə gələnə qədər daha yaxın adamların var idi. Mənə şərəf verdin" deyib.Qeyd edək ki, T.Kurtiz "Ezel" serialında "Ramiz dayı" obrazını canlandırmışdı

    Məşhur müğənni Sibel Can ərə getməyə hazırlaşır.Gəlinlik libasını da sifariş edən ifaçı altı ay əvvəl Monakoda tanış olduğu ingilis iş adamı ilə Ramazan bayramından sonra ailə quracaq. Toy müğənninin Fransanın turistik bölgəsi ola Cote d’Azurdakı evində  baş tutacaq.Mərasimdə Sibelin 40-a yaxın tanışı iştirak edəcək. Cütlük artıq toy hazırlıqlarına başlayıb. Gəlinlik libasını Nur Yerlitaş tikəcək. S.Can ondan bəyaz və sadə gəlinlik istəyib. Qeyd edək ki, S.Can 1988-ci ildə ərə getdiyi Hakan Uraldan 1999-cu ildə boşanmışdı. Bu evliliyindən bir oğlu və bir qızı olan müğənni 2000-ci ildə Sulhi Aksütlə ailə qurmuşdu. 10 il sürən bu evlilikdən də S.Canın bir oğlu var.

    Model və aparıcı Çağla Şikel eyni proqramı iıə yenidən efirə dönüb.O, formasını necə qoruduğu haqda danışıb:"Metabolizmim sürətlidir. Bu mövzuda şanslıyam. Yenə də idman edirəm, yediklərimdə diqqətliyəm. Məncə, 60 yaşımdan əvvəl məni artıq çəkili görməyəcəksiniz. 60 yaşıma qədər belə qalacağam".

 

Əhəd Miriyev

 

MuzTv.az