Ədalət Şükürov Sinan Özenin toyuna dəvət alıb

Əməkdar artist Ədalət Şükürov türkiyəli müğənni Sinan Özenin toyuna dəvət alıb. 

    Əməkdar artist Ədalət Şükürov türkiyəli müğənni Sinan Özenin toyuna dəvət alıb. Axşam.az-ın məlumatına görə, müğənni bu haqda “5/5” verilişində danışıb:“Sinan Özenle 20 ildir dostluq edirik. Bakıya tez-tez gəlir. Bunu mediadan gizlədirik, çünki bura gələndə biz dincəlirik, istirahətə yollanırıq. Məni toyuna çağırıb. Həmin toyda Sinanın nikah şahidi Türkiyə prezidenti Rəcəb Tayyip Ərdoğan olacaq”.

   “Eurovision 2016” mahnı müsabiqəsində ölkəmizi təmsil edən Səmra Rəhimli Fransalı ifaçı Amir Haddadla bir araya gəlib. Təmsilçilər birlikdə mətbəxə girib və şirniyyatlar hazırlayıb. Qeyd edək ki, S.Rəhimli bu gün baş tutacaq final gecəsində dördüncü olaraq səhnəyə çıxacaq. Fransalı təmsilçi Amir isə finala birbaşa vəsiqə qazananlardandır.

    “Eurovision 2011” qalibi Nigar Camal bu gün baş tutacaq finalla bağlı fikirlərini bölüşüb. Müğənni Ukrayna və Maltaya pərəstiş etdiyini bildirib:“Bizim “Eurovision”dakı çıxışımızın 5 ili tamam olur. Ən gözəl və mehriban xatirələrimiz bu günlə bağlıdır. Amma təəssüf ki, həmin qalibiyyət günündən sonra biz bir də “Eurovision” kubokunu görmədik. İndi isə o tamam itib. Təmsilçimizə uğurlar arzulayıram. Özüm isə eyni zamanda Ukrayna və Maltaya pərəstiş edirəm”.Qeyd edək ki, Nigar Camal 2011-ci ildə Eldar Qasımovla birlikdə oxuduğu "Running scared” dueti ilə birinci olmuşdu.

    Türkiyədə yaşayan müğənni İradə İbrahimova allergiya olub. İfaçı qolunun şiş və səpgili halda fotosunu paylaşaraq əsəbdən bu günə düşdüynü bildirib:“Əsəbin, stressin nəticəsi. Sağlamlığımıza diqqət etməliyik. Bunu sadəcə sözdə deyirik, cümlələrdə qalır. Bir də əməl edə bilsək...”. 

 

Əhəd Miriyev

 

MuzTv.az