"Eurovision 2016"-nın qalibi Ukrayna oldu

"Eurovision 2016"nın qalibi bəlli olub. Axşam.az-ın məlumatına görə, Ukraynanı təmsil edən Jamala "1944" mahnısı ilə qalib seçilib.

    "Eurovision 2016"nın qalibi bəlli olub.Axşam.az-ın məlumatına görə, Ukraynanı təmsil edən Jamala "1944" mahnısı ilə qalib seçilib. Mahnı krım türklərinin deportasiyasından bəhs edir. Jamala mahnını ingilis və türkcə səsləndirib.Müsabiqədə 2-ci yeri Avstraliya təmsilçisi Dami İm, 3-cü yeri isə Rusiya nümayəndəsi Sergey Lazarev tutub."Miracle" mahnısı ilə Azərbaycanı təmsil edən Səmra Rəhimli isə 117 xalla 17-ci olub.

     Xalq artisti Brilliant Dadaşova “Özümlə” adlı yeni mahnısını təqdim edib.  Müğənni bu bəstəyə klip də çəkdirmək istəyir. İfaçı yaxın günlərdə Xəzər dənizinin Zağulba sahillərində kameralar qarşısına keçəcək. Sözləri Cavidan Həsənzadə, musiqisi Gülər Həsənliyə aid olan mahnını B.Dadaşova yayın hiti adlandırıb.

     “Bu şəhərdə” komandasının üzvləri, əməkdar artistlər Coşqun Rəhimov və Rəfael İsgəndərova yeni vəzifə verilib. Aktyorlar bu ilin sentyabrında Bakıda keçiriləcək Ümumdünya Şahmat Olimpiyadasının ulduz səfiri seçiliblər. Bu haqda komandanın ssenaristi Müşviq Abbasov xəbər verib:“Bu şərəfli missiyaya görə təşəkkürlər. Çalışarıq etimadı doğruldaq. Təşkilatçılara və Azərbaycan yığmasına uğurlar”.

     Əməkdar artist Röya Ayxan mayın 27-də baş tutacaq konsertindən danışıb. Müğənni açıqlamasında tədbir üçün mahnılarını yeni aranjimanda yazdırdığını deyib:“Bir az həyəcanlıyam. Çünki ilk dəfədir klub konserti verəcəm. 12 ildir mənə nə qədər adam klub konserti təklif edib, qorxmuşam. Bu tədbirə də 2 ay “yox” demişəm. Mahnılarımı Türkiyədə aranjiman etmişəm. Kim istirahəti sevirsə, həmin gecə gözümün üstündə yeri var. Səhərə kimi birlikdə əylənəcəyik”.R.Ayxan əməkdar artist Lalə Məmmədovanın “Hərdən ona deyirəm ki, gəl başqa janrda oxu. Onun da günahı yoxdur, bəstəkarlar eyni tərzdə mahnılar təqdim edir. Onun səsi ilə daha çox və maraqlı işlər etmək olar” sözlərinə cavab verib:“Müğənninin bir tərzi olar. Kim deyir ki, üzünə demişəm janrını dəyiş, yalan danışır. Qorxularından bunu üzümə heç vaxt deyə bilməzlər, baltalıyaram”.

 

Əhəd Miriyev

 

MuzTv.az