Lalə Məmmədova: “Baltalamaq artıq keçmişdə qaldı”

Əməkdar artist Lalə Məmmədova həmkarı Röya Ayxanın onunla bağlı dediyi “baltalayaram” ifadəsinə münasibət bildirib.  

    Əməkdar artist Lalə Məmmədova həmkarı Röya Ayxanın onunla bağlı dediyi “baltalayaram” ifadəsinə münasibət bildirib.  Axşam.az-ın məlumatına görə, müğənni R.Ayxanın “Müğənninin bir tərzi olar. Kim deyir ki, üzünə demişəm janrını dəyiş, yalan danışır. Qorxularından bunu üzümə heç vaxt deyə bilməzlər, baltalayaram” sözlərinə belə cavab verib:“Mən kiminsə yaradıcılığı haqda fikrimi söyləyə bilərəm, məsləhət vermək yox. Təbii ki, məsləhət istəsələr yalnız o zaman verərəm. Əzizim Röya, axı müasir qızsan, baltalamaq nədir? Baltalamaq artıq keçmişdə qaldı. İndi daha müasir üsul var: lazer şüası. Ağrısız və qansız, birdəfəlik kəsilir”.

    Müğənni Miri Yusif "Sənlə biz" adlı mahnısına çəkdirdiyi klipini təqdim edib.Mahnının musiqisi və sözləri Miri Yusifin özünə məxsusdur. Aranjimanını Emin Kərimi edən mahnının klipinin rejissoru isə Sarvan Qədirovdur. Klipdə baş rolda aparıcı Aydan Axundzadə çəkilib.

    Ötən ay evlənən müğənni Elçin Çəfərova xanımı Aydan Cəfərova şeir həsr edib. “İlk və son”  adlanan şeirə Elçin mahnı bəstələyib və onu lentə yazdırıb.  Lirik kompazisiya  Elçinlə Aydanın sevgisindən bəhs edir.Mahnının aranjimanı Tərlan Məmmədhüseynova məxsusdur.Qeyd edək ki, Aydan keçmiş millət vəkili Sabir Rüstəmxanlının qızıdır

    Müğənni Samira Allahverdi məşhur “Sıravi Əhməd” mahnısını oxuyub. Musiqisi Emin Sabitoğluna, sözləri Rüfət Əhmədzadəyə aid olan bəstənin aranjiman işi gürcü musiqiçi Giviyə həvalə edilib. S.Allahverdi bu ifasını əsgərlərə həsr etdiyini bildirib:“İllərin mahnısı olan “Sıravi Əhməd” artıq mənim ifamda. Bu mahnını çox sevirəm. Yaşasın Allah yolunda vuruşan Azərbaycan əsgəri”.Qeyd edək ki, "Sıravi Əhməd" mahnısını Xədicə Abbasova səsləndirib. 

 

Əhəd Miriyev

 

MuzTv.az