Röya Ayxan Musiqi Məktəbində konsert verdi

Bakı Şəhər Mədəniyyət və Turizm İdarəsinin şəbəkəsinə daxil olan H.Sarabski adına Mədəniyyət Evində “Bizim evin qonaqları” rubrikasının növbəti qonağı əməkdar artist Röya Ayxan olub. 

    Bakı Şəhər Mədəniyyət və Turizm İdarəsinin şəbəkəsinə daxil olan H.Sarabski adına Mədəniyyət Evində “Bizim evin qonaqları” rubrikasının növbəti qonağı əməkdar artist Röya Ayxan olub. 23 nömrəli 11 illik Musiqi Məktəbində təşkil olunan tədbirdə röyasevərlər bir araya toplanıb. Bununla yanaşı sənətçi mayın 27-i "Elektra Events Hall"da reallaşacaq klub konsertindən söz açıb. "Kesin bilgi" adlı solo konsertdə Röyadan öncə və sonra Ukraynadan təşrif buyurmuş vokal DJ qrupu "Delicious" səhnə alacaq.

    Keçək mayın 25-i reallaşacaq Azərbaycan Kubokunun final görüşündən öncə baş tutacaq  konsert proqramına. Ötən il finalda Röya Ayxan səhnəyə çıxsa da, bu il onu Aygün Kazımova əvəz edəcək: “Mən ulduz səfirəm. Hər il də Azərbaycan Kubokunun finalında çıxış etmişəm. Həmkarım Zamiq Hüseynovla klip çəkdirəcəyik. Mənə demişdilər ki, 24-ü Bakıya qayıdacağam. Ancaq çatdıra bilməyəcəyimi düşünərək ayın 25-i səhnəyə çıxmağı boynuma götürmədim. Bütün oyunçulara, o konsertdə iştirak edənlərə uğurlar arzu edirəm”.

 

Sevda Məmmədova

Elfaq Lələyev

 

Muz-Tv.az