Səməd Səmədov xalq artisti Zeynəb Xanlarovanın repertuarına müraciət edib

Xalq artisti Səməd Səmədov yeniliklərindən danışıb.  

    Xalq artisti Səməd Səmədov yeniliklərindən danışıb.  Axşam.az-ın məlumatına görə, müğənni xalq artisti Zeynəb Xanlarovanın repertuarındakı “Yaşa Azərbaycan” adlı bəstəni oxuduğunu bildirib:“Bu günə qədər vətənpərvər mövzuda bir çox mahnılar ifa etmişəm. Lakin cəbhədə baş verən son hadisələrdən sonra əsgərlərimizə dəstək olmaq üçün yenidən belə mahnı ifa etmək istədim. Buna görə də Azərbaycan incəsənətində öz sözünü demiş dünya şöhrətli müğənni Zeynəb Xanlarovanın “Yaşa Azərbaycan” mahnısını oxudum. Bir Azərbaycan vətəndaşı kimi vətənim uğurunda canımdan keçməyə hazıram. Öz sözümü mahnılarla deməyi üstün tuturam. Bu məqamda qalmaqal edib, kiminsə bostanına daş atmaq yox, bir olmaq lazımdır. Bu mahnı da elə birlik mahnısıdır. Düşünürəm ki, bəstə mənim repertuarımda da seviləcək. Hazırda aranjiman işləri gedir. Hazır olduqdan sonra bunun təqdimatı olacaq”.

    Əməkdar artist Mətanət İsgəndərli nəvələrinə vaxt ayıra bilməməkdən şikayətlənib. Müğənni tez-tez onları görməyə getdiyini bildirib:“Həmişə evə gedəndə birinci Tuncayı qucaqlayıram. Ruhlan da üstümə qaçır, amma kənarda qalır. O da qısqanır. Ruhlanın adını özüm qoymuşam. Nəvələrimə yetərincə vaxt ayıra bilmirəm. Bütün günü işləyirəm. Bir az boşluq olan kimi qaçıram onların yanına. Onlarla oynayanda dincəlirəm”.

    Müğənni Natavan Həbibinin ad günüdür. Sənətçi aldığı özəl hədiyyəsinin fotosunu sosial şəbəkədə paylaşıb. O, dəyəri 6 min dollar olan üzük və sırğanın özəl insandan hədiyyə olduğunu vurğulayıb. Qeyd edək ki, N.Həbibi özəl gününü bu gün təmtəraqlı şəkildə qeyd edəcək. Şəhər restoranlarından birində baş tutacaq məclisə müğənninin yaxınları, sənət dostları qatılacaq

    Müğənni Nadir Qafarzadə “Özümü asırdım” adlı yeni mahnısını təqdim edib. Sənətçi bu mövzuya müraciət etməsinin səbəbini açıqlayıb:“Bir müddət öncə Bakıda kim intihar etmək istəyirdisə, körpününü üstünə çıxırdı. Adi insanlar da intihar etmək istəyən şəxsin videosunu çəkib, sosial şəbəkədə paylaşırdı.

   Bir müğənni kimi bu cür halları pisləyirəm. Məhz buna görə də yeni mahnımda bu mövzuya toxunmaq qərarına gəldim. Düşünürəm ki, yaşamaq, mübarizə aparmaq lazımdır. Bəzən insanı o həddə çatdırırlar ki, adam istəyir özünü öldürsün. Açıq deyirəm, mən də illər öncə intihar etmək istəmişəm. Amma ailəmi, övladlarımı düşünüb bu addımdan geri çəkilmişəm. Çünki həyat yaşamağa dəyər”.

 

Əhəd Miriyev

 

MuzTv.az