Aygün Kazımova konsertə hazırlaşır
Xalq artisti Aygün Kazımova növbəti konsertinə hazırlaşır.
Xalq artisti Aygün Kazımova növbəti konsertinə hazırlaşır. Axşam.az-ın məlumatına görə, müğənninin növbəti çıxışı iyunun 18-də Nabranda istirahət mərkəzlərinin birində baş tutacaq.A.Kazımova gecədə sevilən və yeni mahnılarını səsləndirəcək, əsl şou nümayiş etdirəcək. Müğənnini səhnədə 10 peşəkar rəqqas müşayiət edəcək. Saat 21:00-da başlayacaq konsertin hazırlıq işlərinə artıq start verilib. Yayın ən möhtəşəm gecəsində səhərə qədər Dj Roşka qonaqlara musiqi dolu anlar yaşadacaq.
Əməkdar artist İlqar Muradov sənətə pul qazanmaq naminə gəlmədiyini açıqlayıb.Primetime.Az xəbər verir ki, sənətçi açıqlamasında əsl musiqi ilə məşğul olduğunu bildirib:"Yaradıcılığımın biznesi var, amma şou tərəfi yoxdur. Mən əsl musiqi ilə məşğul oluram. Şou-biznes bütün dünyada pul qazanmaq xətrinə hesablanmış sahədir. Özünü tərif kimi çıxmasın, illərdir zəngin musiqimizi sevərək ifa edib, təbliğ edirəm. Şou-biznesdə olanlara da pis baxmıram. Bizim çox istedadlı gənclərimiz var. Onlara tövsiyə edirəm ki, ilk növbədə maddiyyatı düşünməsinlər. Keyfiyyətli ifalar üzə çıxarsalar, pul da qazanacaqlar. Səhnə fədakarlığı sevir. Ona görə də ruhdan düşməmək lazımdır".
“Eurovision 2011” qalibi Nigar Camal əməkdar artist Tünzalə Ağayevanın onun ünvanına dediyi “tənbəlləşib” fikrinə cavab verib. “Tənbəlləşməmişəm, sadəcə üç ölkə arasında qalmışam. Mənim üçün çox çətindir. Londona gedəndə övladlarımla vaxt keçirirəm. Mən anayam, iki qızım böyüyür. Onların yanında olmalıyam”.N.Camal yerli müğənnilərin xaricdə tanınmaq istəyindən bəhs edib:“Kim deyirsə, xarici ölkədə ulduz olacağam, inanmayın. Bu, mümkünsüzdür. Orada tanınmaq üçün uzun vaxt lazımdır. Mən 15 yaşında deyiləm axı. Mənim üçün Rusiyada və ya Türkiyədə tanınmaq yaxşı olardı. Rusiyada tanınmaq üçün gərək orada yaşayasan. Türkiyədə isə ya dayanmadan işləməlisən, ya da hansısa layihənin qalibi olmalısan”.
Prodüser Tarix Əliyev (Tolik) əsəbiləşib.Milli.Az xəbər verir ki, prodüser İnstaqram səhifəsində ad çəkmədən həmkarlarının bostanına daş atıb: "Bu bədbəxt həyatda heç nəyə nail ola bilmədiyindən hər dəfə özünə təsəlli üçün müxtəlif profillərdən guya məni öz aləmində təhqir edir. Amma mən sizi Tolik olaraq məhv eləyərəm. Sizi nə getdiyim yerə gəlməyə qoyuram, nə də ad günlərinə, təqdimatlara. Deyirəm, bax bu insanlar olacaqsa, mən orada yoxam. Həmişə də məni seçirlər. Allahın bədbəxtləri, özünüzə iş tapın, başınızı qarışdırın, it dəftərində adınız da yoxdur.
Gündə bir müğənni dəiyşirsiniz. Heç biriylə işiniz alınmır. Mənim vaxtım da yoxdur ki, sizin kimi Allahın bədbəxtlərinə vaxt ayırım. Həyatımdan çox razıyam. Çalışın, sizin də həyatınız maraqlı olsun, gedin yatın ki, səhər yenə tüstülü-qəlyanlı, pozğun aləminizə qayıdasınız".
Əhəd Miriyev
MuzTv.az