Röya Ayxan qardaşı İsmayıl üçün ev alıb

Əməkdar artist Röya Ayxan qardaşı İsmayıl üçün ev alıb. 

   Əməkdar artist Röya Ayxan qardaşı İsmayıl üçün ev alıb. Axşam.az-ın məlumatına görə, müğənni bu haqda verilişlərin birində deyib. O, Türkiyədə yaşayan və efirə “Skype” ilə bağlanan İsmayıl Nəcəfova bunları söyləyib:“Çox istəyirəm ki, gəlib sənin üçün etdiyim hədiyyəni görəsən. Onu çox həvəslə etmişəm. İnşallah ora gəlin gətirəsən”.

   Əməkdar artist Aybəniz Haşımova Gəncəyə yollanıb. Səhər saatlarında bazara gedib, alış-veriş edən müğənni videosunu sosial şəbəkədə paylaşıb. O, görüntüyə “Çoxdandır Gəncə bazarında olmamışdım. Bu bazarın məndən çox yaşı var” şərhini yazıb.

   Müğənni  Xəyyam Nisanov sosial şəbəkələrdə qazancını müzakirə edənlərə səslənib.PrimeTime.Az-a açıqlama verən ifaçı, bəzi bədxahların pis fikirləri barəsində bunları bildirib:"Heç kim pulumu saymasın. Mən səsimlə pul qazanıram. Özünü üzdə dost kimi göstərən bəziləri sosial şəbəkələrdə naməlum adlar altında ünvanıma söz atırlar. Elələrinə yazığım gəlir. Qoy onlar da mənim kimi zəhmət çəkib pul qazanmağa çalışsınlar. İnanın o zaman həyatı daha gözəl dərk edib, yaşamağın mənasını biləcəklər".

    “Eurovision 2014” yarışmasının təmsilçisi Dilarə Kazımova türkiyəli həyat yoldaşı Mərt Aslanla boşanması ilə bağlı sualları cavablandırıb. Müğənni şəxsi həyatı ilə bağlı heç vaxt danışmayacağını bildirib:“Şəxsi həyatla bağlı danışmağı sevmirəm, bunu müzakirə etmək istəmirəm. Amma istəmədiyim halda şəxsi həyatım gündəmə gəldi. Bunla bağlı suallara cavab verməyəcəm. Şəxsi həyat şəxsi olaraq qalsın. Mən heç vaxt bu barədə danışmamışam. Qoy cavab verməməyim insanların beynində şübhə yaratsın. Mənim üçün vacib deyil. Özümü həmişə sənətə və musiqiyə vermişəm. İnsanlar mahnılarımı sevib, dinləsinlər. Mənim həyatımla maraqlanmasınlar. İnsan danışmağı və danışmamağı özü seçir. Mən istəmədiyim üçün nə qədər sual versələr də, cavablandırmayacam”.Qeyd edək ki, D.Kazımovanın hazırda keçmiş həyat yoldaşı ilə heç bir əlaqəsi olmadığı deyilir. Cütlük qalmaqallı şəkildə ayrılıb.

 

Əhəd Miriyev

 

MuzTv.az