Dilarə Kazımova təqdimat etdi

 Müğənni Dilarə Kazımova “Running” albomunu və “Dream” mahnısına çəkdirdiyi klipinə təqdimat edib.

    Müğənni Dilarə Kazımova “Running” albomunu və “Dream” mahnısına çəkdirdiyi klipinə təqdimat edib. Sənətçinin ifa etdiyi “Dream”in sözləri və musiqisi Rozhen Anusiyə məxsusdur. Yeni işindən danışan ifaçı gec-gec mahnılar təqdim etməsinin səbəbini açıqlayıb: ““İl yarımdır bu günü gözləyirəm. “Running” işıq üzü gördü, klip də çəkdik. Gözlədik digər mahnılar hazır olsun ki, təqdimat edək. Hazırki klipim “Dream” mahnısına çəkilib. Ekran işində tək çəkilmişəm. Xəyal quran hər kəs burada özünü tapacaq. Tez-tez mahnı təqdim etməyə tələsmirəm. Keyfiyətli iş uzun vaxt aparır”. Sənətçi albom və klipinin təqdimatına gələnlər üçün mini konsert proqramıyla çıxış edib. İstedadlı xanım sənətçi “Runing” albomunu və “Dream” adlı klipini Azərbaycanda təqdim etməklə kifayətlənməyib, xaricdə də sevənlərinin ixtiyarına verəcək. Kazımova türkiyəli həyat yoldaşı Mərt Aslanla boşanması ilə bağlı sualları da cavabsız qoymayıb: “Şəxsi həyatla bağlı danışmağı sevmirəm, bunu müzakirə etmək istəmirəm. Amma istəmədiyim halda şəxsi həyatım gündəmə gəldi. Bunla bağlı suallara cavab verməyəcəm. Şəxsi həyat şəxsi olaraq qalsın. Mən heç vaxt bu barədə danışmamışam. Qoy cavab verməməyim insanların beynində şübhə yaratsın. Mənim üçün vacib deyil. Özümü həmişə sənətə və musiqiyə vermişəm. İnsanlar mahnılarımı sevib, dinləsinlər. Mənim həyatımla maraqlanmasınlar. İnsan danışmağı və danışmamağı özü seçir. Mən istəmədiyim üçün nə qədər sual versələr də, cavablandırmayacam”.

 

Sevda Məmmədova

Çingiz Abdullayev

 

Muz-Tv.az