İradə İbrahimova ilə Nadir Qafarzadə barışdı

Müğənni İradə İbrahimova ilə Nadir Qafarzadə barışıb.Axşam.az xəbər verir ki, N.Qafarzadə bu haqda açıqlamasında deyib.

     Müğənni İradə İbrahimova ilə Nadir Qafarzadə barışıb.Axşam.az xəbər verir ki, N.Qafarzadə bu haqda açıqlamasında deyib.Bir müddət əvvəl Nadir həmkarının ünvanına “İradəni qapalı xanım kimi tanımışam. O başqa şeylərlə gündəmə gələn olmayıb. Ondan ailə fotolarını yaymağı gözləmirdim” sözlərini demiş, onu oğlu Əli dünyaya gələn zaman çəkilən videosunu yaydığına görə qınamışdı. İfaçının bu sözləri qarşı tərəfi özündən çıxarmışdı. İ.İbrahimova açıqlamalarının birində ad çəkmədən onu tənqid edən Nadirə sərt sözlər deyib: “Arvadı ilə selfi çəkib paylaşmaq, dodağını silikon etdirmək ayıb deyil? Mən qadınam , heç silikonum yoxdur”. N. Qafarzadə İ.İbrahimova ilə Türkiyədə görüşdüyünü və incikliyə son qoyduqlarını bildirib: “Mənim qəlbimdə kin, qurd yoxdur. Aramızda anlaşılmazlıq oldu. Ağzımdan çıxan sözü başqa formada başa düşmüşdü. Bacısı Nigarla danışdım. Sonra isə Türkiyəyə gedəndə İradə xanıma zəng vurdum ki, qəlbində inciklik qalmasın. Onun həyat yoldaşı ilə də görüşdük, məni balıq yeməyə apardı. Yedik-içdik, söhbət etdik”.

    Yenice ailə həyatı quran muğənni Elçin Cəfərov xanımının qısqanclığından söhbət açıb.PrimeTime.Az-a müsahibə verən sənətçi bunları bildirib:“ Sevgi münasibətimizin 2 yaşı var. Aydan sənətimi normal qəbul edir. Bilir ki, peşəmin saatı yoxdur. Evə gec də gələ bilərəm, ani olaraq ölkəni tərk də edərəm. Əsas odur ailəmiz saf və təmiz sevgi üzərində qurulub. Allah-Təaladan hər kəsə bizim kimi xoşbəxt olmağı arzulayıram".

    Müğənni Eldar Qasımov arxiv fotolarını paylaşıb. "Eurovision 2011" qalibi şəklə “Deyin görüm, o vaxt kimin belə şəkli var idi?” şərhini yazıb. E.Qasımov daha sonra bağçada çəkilən fotosunu yayıb və təəssüratlarını bölüşüb:“Bağçada “Naz eləmə” rəqsi ifa edirdim. Səhnədə ilk addımlarım, uşaqlıq xatirələri”.

    Türkiyəli aktyorlar Özcan Dəniz və Nurgül Yeşilçay Bakıya gələcək. Bu haqda Nizami Kino Mərkəzinin mətbuat xidmətindən məlumat verilib. Bildirilib ki, hazırda aktyorlarla danışıqlar gedir və payızda baş tutacaq səfərin vaxtı dəqiqləşdirilir. Özcan və Nurgül yeni çəkildikləri “İkinci şans” adlı filmin qala gecəsində iştirak edəcəklər. 

Əhəd Miriyev

 

MuzTv.az