Tünzalə Ağayeva“Son zəng” bəstəsini yeni aranjimanda oxudu
Əməkdar artist Tünzalə Ağayeva növbəti mahnısını qızı Fidana həsr edib.
Əməkdar artist Tünzalə Ağayeva növbəti mahnısını qızı Fidana həsr edib. Axşam.az-ın məlumatına görə, müğənni 16 il əvvəl oxuduğu “Son zəng” bəstəsini yeni aranjimanda səsləndirib. Mahnını studiyada oxuyarkən qızı Fidanla çəkdirdiyi fotonu paylaşan T.Ağayeva bunları vurğulayıb:“16 ildən sonra “Son zəng” mahnım yeni aranjimanla… Bütün məzunları sevindirəcəyik. Yəqin bu mahnımı yeni nəfəslə səsləndirmək üçün Fidanımın son zəngini gözləyirdim. Bütün məktəblilər və məzunlar üçün oxudum”.Bəstənin sözləri Əbülfəz İslama, musiqisi T.Ağayevanın özünə, aranjimanı isə Anar Yusifov və Emin Kərimiyə məxsusdur.
Əməkdar artist Röya Ayxan sevgi etirafı edib. Müğənni açıqlamasında aşiq olduğunu deyib. “Çox aşiqəm, çox sevirəm” deyən, R.Ayxan hər məclisə getmədiyini bildirib:“Məni hər yana çağırmaq olmur. Heç sənət dostlarım ad günlərinə, toylarına məni dəvət etmirlər. Bilirlər ki, getməyə vaxtım olmayacaq. Neçə ildir ancaq seçmə insanların özəl gününə gedirəm”. Qardaşları Ayxan və İsmayıldan bəhs edən müğənni onları yaxın günlərdə əsgərliyə yola salacağını bildirib.“Qardaşlarımın ikisi də bu il məzun olmalıydı. Eşitdim ki, Ayxan məzun ola bilmir, amma İsmayıl olur. Bu il ikisi də əsgər gedir. Ayxan 2 il əsgərlik çəkəcək, çünki məzun olmadı. İsmayıl 1 il əsgərlik çəkəcək”.
Əməkdar artist Elza Seyidcahanyazdığı əsərlərindən söhbət açıb.İfaçı açıqlamasında bunları bildirib.“Yazdığım əsərlərin, etdiyim layihələrin təşəkkürünü, bərəkətini görəndə, sevinirəm. Şükür edirəm ki, nə yaxşı toy mahnıları yazmamışam”.Bu yaxınlarda da Türkiyədə səfərdə olan E.Seyidcahan onu orada “Hürrəm Sultan”a bənzətdiklərini deyib:“Mən də onun kimi hökmlüyəm. Hətta mənim hökmümdən yer üzündə yoxdur. Elə olmasaydım, bu yerə gəlib çatmazdım. Sadəyəm, amma sadəlövh deyiləm. Bəziləri bundan başqa cür istifadə etmək istədilər, onları başa saldım”.
Müğənni Rəhim Rəhimli sosial şəbəkədən uzaq olmasının səbəblərini açıqlayıb.Milli.az xəbər verir ki, müğənni bəzi insanların aqressiv davranışından şok olduğunu deyib: "Sosial şəbəkələrdə az-az görünməyimin səbəbi var. İnsanların aqressiv davranışını görəndə şok oluram. Mədəniyyət mənim aləmimdə birinci olmalıdır. Çalışıram hər kəslə mədəni davranım. Ancaq sosial şəbəkələrdə elə təhqirlər yazırlar, məəttəl qalıram. Hansısa əcnəbi müğənni konsertində maykasını çıxaranda normal baxırlar, amma bizimkilər adi bir şou göstərəndə təhqir edirlər. Niyə, mənimlə nə düşmənliyin var?!"
Əhəd Miriyev
MuzTv.az