Ancelina Colinin 41 yaşı oldu

Aktrisa, "Oskar" və 3 "Qızıl qlobus" mükafatlarının sahibi, BMT-nin xoşməramlı səfiri Ancelina Colinin doğum günüdür. 

   Aktrisa, "Oskar" və 3 "Qızıl qlobus" mükafatlarının sahibi, BMT-nin xoşməramlı səfiri Ancelina Colinin doğum günüdür. PrimeTime.Az xəbər verir ki, 41 yaşına qədəm qoyan ulduz 4 iyun 1975-ci ildə ABŞ-ın Kaliforniya ştatının Los-Anceles şəhərində doğulub. Məşhur ABŞ aktyoru Con Voyt və yarı fransız, yarı kanadalı aktrisa Marşelin Bertranın qızıdır.Hollivud ulduzu Bred Pittlə ailəli olan Ancelina Colinin 6 uşağı var. 3 qız və 3 oğlan. Lakin onlardan yalnız 3-ü doğmadır. Digər 3 uşağı Ancelina kasıb ölkələrdən övladlığa götürüb.

   Müğənni Britni Spirs dəniz kənarında özünə dəbdəbəli villa kirayələyərək, tətilini orada keçirir.Axşam.az xarici mətbuata istinadla xəbər verir ki, hər gün hovuzda çimib, günəşlənən ulduz üçün orada hər bir şərait yaradılıb. Dəbdəbəli villa ətrafdakı evlərdən çox fərqlənir. Müğənninin gecəsi 8 min dollara kirayələdiyi böyük evdə 4 yataq otağı və 4 hamam var.Yaradıcılığına qısa ara verən B.Spirs təklifləri dondurub. O, Sakit okeana açılan kirayəlik evində istirahətinin dadını çıxarır.

   Türkiyəli müğənni Kenan Doğulu və aktrisa xanımı Beren Saat ötən gecə restorandan çıxarkən görüntülənib.“Bir il” partisinə qatılan cütlük o ki var əylənib. Kenan və Beren məkanın arxa qapısından çıxaraq, paparassilərə tuş gəlməməyə çalışıblar. Ancaq cütlüyün bu niyyəti baş tutmayıb. Yeni aldıqları “Cabrio mini cooper” avtomobillərində görüntülənən cütlük “Avtomobiliniz xeyirli olsun” deyən jurnalistlərə cavab vermədən, hadisə yerindən uzaqlaşıblar. Maşının bu modelinin bir ay əvvəl satışa çıxarıldığı və dəyərinin 132 min 500 lirə (təxminən 68 min manat) olduğu deyilib.

   Türkiyədə Universitet imtahanı öncəsi ənənəvi olaraq konsert təşkil olunub. Təntənəli mərasimdə tanınmış türkiyəli müğənni İrem Derici səhnədə yer alıb. Ankarada xüsusi performans sərgiləyən İrem Derici: "Gənclərlə birlikdə olduğumuz konsertlər hər zaman daha enerjiylə dolu olur. Hamımız qarşılıqlı bir-birimizi motivasiya etdik", -sözlərini deyib.

 

Əhəd Miriyev

 

MuzTv.az