Xalq artisti Firuz Əliyev oğluna toy etdi

Xalq artisti Firuz Əliyev oğlu Əliyə toy edib. Axşam.az-ın məlumatına görə, Buzovna kəndində baş tutan məclisə sənət aləminin tanınmış simaları qatılıb. 

    Xalq artisti Firuz Əliyev oğlu Əliyə toy edib. Axşam.az-ın məlumatına görə, Buzovna kəndində baş tutan məclisə sənət aləminin tanınmış simaları qatılıb. Yalnız kişilərin iştirak etdiyi toyda müğənnilər mahnılar səsləndirib. Qeyd edək ki, Əli Əliyev müğənni Emil Bədəlovun qaynıdır. Əli də atasının sənətini davam etdirir.

    Əməkdar artist Abbas Bağırov sosial şəbəkədən uzaqlaşıb. Müğənni bu haqda İnstaqram səhifəsində yazıb. Sənətçi bildirib ki, sosial şəbəkələr onun vaxtını alır:“Sosial şəbəkəni dəyərli vaxtımın boşa getməsi kimi qəbul edirəm. Ona görə də 1 ay, bəlkə də daha çox heç bir sosial şəbəkədən istifadə etməyəcəm. Özümə inanıram və güvənirəm. Çünki bugünə kimi çox nəticələr gördüm. İyunun 1-dən iyulun 1-nə kimi sosial şəbəkələrdən ayrı qalacam. Belə daha yaxşı olacaq. Siz də edin və görün ki, bu sosial həyat nə qədər pisliklər edir. Elə dünyadakı müharibənin də ilk səbəbkarı sosial şəbəkədir. Hələ başqa dəhşətlərdən danışmıram. Yəqin ki, məni anlayacaqsınız, xahiş edirəm mənə heç bir mesaj yazmayın. Çünki yazdıqlarınızı oxumuram”.

    Müğənni Miri Yusif “Bomba kimi” adlı mahnısına klip çəkdirib. Çəkilişləri gecə klubunda baş tutan ekran işinin rejissorluğunu Fərhad Əli edib. Miri Yusif bu dəfə kamera qarşısına dicey Matuya ilə keçib. Sənətçi yaxın günlərdə klipinə təqdimat keçirəcəyini bildirib.

    2014-cü ildə ölkəmizi “Eurovision” mahnı müsabiqəsində təmsil edən Dilarə Kazımova mahnılarını əcnəbi dildə ifa etməsinin səbəbini açıqlayıb.İfaçı Azərbaycan dilində özünə uyğun bəstə tapmadığını bildirib: “Xalq mahnılarımızı sevirəm. Üslubuma yaxın mahnılar axtarıram. Amma öz dilimizdə belə mahnı bəstələyənlər azdır. Həm də məncə, sənətçinin bir siması olmalıdır".D.Kazımova builki "Eurovision" təmsilçimiz Səmra Rəhimlinin geyiminə də münasibət bildirib:"Səmra yaxşı çıxış etdi, amma daha çox geyimləri müzakirə olundu. Hər insan öz üslubunu seçir. Mən uzun libas geyinmişdim, tənqidə məruz qaldım. İndi də onun qısa geyiminə söz atdılar. Libas ikinci plandadır, əsas iştirakçının çıxışıdır".

 

Əhəd Miriyev

 

MuzTv.az