Elnur Hüseynov konsert verəcək

“O səs Türkiyə” yarışmasının qalibi Elnur Hüseynov Bakıda sevənləri ilə görüşəcək. Axşam.az-ın məlumatına görə, iyunun 24-də nəzərdə 

    “O səs Türkiyə” yarışmasının qalibi Elnur Hüseynov Bakıda sevənləri ilə görüşəcək. Axşam.az-ın məlumatına görə, iyunun 24-də nəzərdə tutulan konsert istirahət mərkəzlərindən birində gerçəkləşəcək. “Mənim dəyərli izləyicilərim, hər dəfə Bakıya gələndə, sizləri çıxışlarımla sevindirməyə çalışıram. Hamınızı klub partisinə dəvət edirəm. Sizləri orda görmək istəyirəm” deyə, E.Hüseynov bildirib

     Prodüsser Tarix Əliyev doğum gününü qeyd edir. 37 yaşını qeyd edən prodüser təəssüratlarını sosial şəbəkədə bölüşüb: “Hamıya təşəkkür edirəm ki, məni olduğum kimi qəbul edirlər. İnsan həyatda özünə çox şey arzulayır. Mənim arzuladıqlarımın çoxu həyata keçib, kiçik hissəsi qalıb. Heç vaxt milyonçu olmaq, təyyarə almaq istəməmişəm. Valideynlərimin və özümün can sağlığını, evim və avtomobilimin, ətrafımda məni istəyən dostlarımın olmasını arzulamışam. Baxmayaraq ki, ailəm, övladım yoxdur, amma sevənlərim var. Onlar mənim ailəm kimidirlər”.

    Nənə olmağa hazırlaşan əməkdar artist E.Seyidcahan maraqlı açıqlama verib. Big.az xəbər verir ki, E.Seyidcahan bildirib ki, yuxuda qız nəvəsi olduğunu görüb: "Çox xoşbəxtəm ki, nənə olacağam. Nəvəmə deyəcəm ki, mənə elə nənə desin. Onu yuxuda da görmüşəm, görürəm ki, qız nəvəm dünyaya gəlir. Nəvəm qız olsa, adı Səmərrux olacaq. Bu ad mənim nənəmin adı olub. ". Qeyd edək ki, E.Seyidcahanın qızı 2015-ci il avqustun 24-də fotoqraf Elxan Əlisatov adlı bəylə ailə qurub.

      Müğənni Günay İbrahimlinin imicindəki dəyişiklik görənləri təəccübləndirib. Big.az xəbər verir ki, son günlər zahiri görkəmindəki dəyişikliklər ilə gündəmə gələn ifaçı sosial şəbəkədə yeni fotolarını paylaşıb. G.İbrahimlinin saç düzümü və makiyajı üzərində stilist Anar Ağakişiyev çalışıb. Hər dəfə fərqli imici ilə seçilən ifaçı bu fərqliliyi belə izah edib: "Mən müğənniyəm. Hər dəfə fərqli obrazlarda, fərqli imiclərdə olmalıyam. Həm görünüşümlə, həm mahnılarımla hər birinizin zövqünü oxşamağa çalışıram", deyən G.İbrahimli yeni görünüşündən məmnun qalıb.

 

Rəvan Nasiroğlu

 

Muz-Tv.az