Rəqsanə qızı Aysuna nişan edəcək

Müğənni Rəqsanə İsmayılova qızı Aysuna nişan edəcək. 

    Müğənni Rəqsanə İsmayılova qızı Aysuna nişan edəcək. Axşam.az-a açıqlama verən ifaçı mərasimin bu ayın 28-də baş tutacağını deyib:“Hə” verilib, indi nişana hazırlaşırıq. Nişanı balaca qızım Yağmurun ad günündə edəcəm, yəni iyunun 28-də. Üzüklər həmin gün taxılacaq. Oğlan Türkiyə vətəndaşıdır və orada yaşayır, amma nişanı Bakıda edəcəyik”.R.İsmayılova nişanın bir neçə gün davam edəcəyini bildirib: “Şou-biznes olan məclisdə qonaqlar çox olur, nə otura, nə də yemək yeyə bilirlər. Qohum-əqraba üçün ayrı, şou-biznes nümayəndələri üçün ayrı məclis quracam. Xına mərasimi də edəcəm”.Müğənni məclisin media üçün açıq olacağını da vurğulayıb.“Onsuz da qapalı məclis etmək alınmır. Qonaqlar şəkil çəkdirir, sosial şəbəkədə yayır. Ona görə də niyə medianın xətrinə dəyim ki? Nəyim var ortalıqdadır, niyə gizlədim? Mənim xoş günümdür, gəlib çəksinlər”.

    Müğənni Manaf Ağayev oğlunu evləndirir. Bu haqda ifaçı açıqlamasında deyib. O, toyun mediaya açıq olacağını bildirib:“Hamıya övlad toyu arzulayıram. Qızım ailə qurub, iki oğlum isə subaydır. Ramazan ayı başa çatdıqdan sonra böyük oğlumu evləndirməyi planlaşdırıram. Artıq gecikir. Seçimi öz ixtiyarlarına buraxmışam, çünki onlar birlikdə yaşayacaqlar. Əlbəttə, valideynlərin də rəyi olmalıdır. Qızımın xeyir işi qapalı keçdi. Amma oğlumun toyu mediaya açıq olacaq”.

    Müğənni Çingiz Mustafayev bir müddətdir Amerikada dincəlir. İfaçı bir çox şəhərlərdə, eləcə də Kaliforniya və Nevada ştatlarında olub. 
Ç.Mustafayev gəzintidən fotolarını sosial şəbəkədə paylaşıb. O, eyni zamanda ötən ay Amerikada klublardan birində çıxış etdiyini vurğulayıb.

    Müğənnilər Gülay Zeynallı və Samir Piriyev rusiyalı ifaçı Qriqoriy Lepslə bir araya gəlib. İfaçılar və prodüser Anar Mədətov birlikdə çəkdirdiyi fotoları sosial şəbəkədə paylaşıb. Onlar Moskvada toy məclisində qarşılaşdıqlarını vurğulayıblar.

 

Əhəd Miriyev

 

MuzTv.az