Aşıq Xanmusa Musayevin 96 yaşı qeyd edildi

Aşıq Rza Qobustanlı adına mədəniyyət evində tanınmış el sənətkarı Aşıq Xanmusa Musayevin anadan olmasının 96, yaradıcılığının 66 illiyinə həsr 

   Aşıq Rza Qobustanlı adına mədəniyyət evində tanınmış el sənətkarı Aşıq Xanmusa Musayevin anadan olmasının 96, yaradıcılığının 66 illiyinə həsr olunmuş ədəbi-bədii gecə keçirilib. Gecəyə aşıq sənətinin tanınmış simaları dəvət olunmuşdu.Aşıq Xanmusanı təbrik etməyə gələnlər arasında tanınmış ssenarist, rejissor Şeyx Əbdül də var idi. Tanınmış balaban ifaçısı, aşıq Xanmusanın şagirdi olan Zahir Zülfüqarov isə müəlliminin peşəkarlığından bəhs edib. Gecənin əsas təşkilatçısı hesab olunan Aşıq Əli komandası ilə birlikdə ustadının qarşısında möhtəşən musiqili nömrə ilə çıxış edib. Əməkdar mədəniyyət işçisi, tanınmış aşıq Ağamurad Şirvanlı ustadından öyrəndiyi biliklərdən söz açıb. Gecənin ən gözəl məqamı Ustadın tələbəsi Əli haqda dediyi sözlər idi. Aşıq Xanmusa tələbəsindən çox razı olduğunu dilə gətirərək ona təşəkkürünü bildirib. Daha sonra isə peşəkar aşığın şərəfinə gənc aşıqlar gecəyə öz mahnıları ilə rəng qatmağa davam etdilər.

 

Rəvan Nasiroğlu

Çingiz Abdullayev

 

Muz-Tv.az