Rəşid Behbudovun heykəli ucaldıldı

Bakıda Azərbaycanın dünya şöhrətli müğənnisi Rəşid Behbudovun heykəli ucaldılıb.

    Bakıda Azərbaycanın dünya şöhrətli müğənnisi Rəşid Behbudovun heykəli ucaldılıb.Heykəl Rəşid Behbudov adına Dövlət Mahnı Teatrının qarşısında qurulub.Heykəlin müəllifi Azərbaycanın xalq rəssamı, Azərbaycan Dövlət Rəssamlıq Akademiyasının prorektoru, professor Fuad Salayevdir. Abidənin açılış mərasiminin sentyabr ayında olacağı gözlənilir.

   Əməkdar artist Vəfa Zeynalova istirahətə yollanıb. Axşam.az-ın məlumatına görə, İstanbulda dincələn aktrisa fotolarını sosial şəbəkədə paylaşıb. Aparıcı Xədicə Sənanqızı da gəzinti zamanı V.Zeynalovanı tək qoymayıb.

   Bir ildir küsülü olan prodüserlər Tarix Əliyevlə (Tolik) Təranə Səmədova barışıb. T.Səmədova bu haqda açıqlamasında deyib:"Ötən il Tolikin ad günündə olmadım. Arada mən ondan küsdüm, sonra Tolik məndən incidi. Hərdən kiçik küsülülüklər olur".Tolik "Ondan incimişdim, yığdı məni ad günümdə təbrik etdi. Beləcə, barışdıq" deyə, bildirib.

   Türkiyədə "Terrora yox deyək" adlı dəfilə keçirilib. Dəfilədə qardaş ölkədə yaşayan azərbaycanlı model Günay Musayeva da iştirak edib.Günay podiuma arxasında "terrora yox" yazısı olan kürklə çıxıb. Onun bu addımı alqışlarla qarşılanıb. Dəfilədə podiuma çıxan modellər arasında Sema Şimşek, Aysu Baceoğlu da yer alıb.

 

Əhəd Miriyev

 

MuzTv.az