Xalq artisti Fidan Qasımovanın 69 yaşı tamam oldu

Bu gün opera müğənnisi, xalq artisti Fidan Qasımovanın ad günüdür. 

     Bu gün opera müğənnisi, xalq artisti Fidan Qasımovanın ad günüdür. Axşam.az-ın məlumatına görə, ifaçı 1947-ci ildə Bakıda dünyaya gəlib.Fidan və Xuraman Qasımova bacılarının valideynləri daim incəsənətlə bağlı olub, şeir yazıb, musiqiyə meyl göstəriblər. Niyazi, Fikrət Əmirov, Tofiq Quliyev və Bakı musiqi elitasının digər nümayəndələri tez-tez bu ailənin evində olublar. Bülbül adına musiqi məktəbini bitirdikdən sonra F.Qasımova 1966-cı ildə Ü.Hacıbəyli adına Azərbaycan Dövlət Konservatoriyasına daxil olub, eyni vaxtda iki ixtisas - skripka və vokal üzrə təhsil alıb. 1974-cü ildə Moskva Konservatoriyasının aspiranturasını bitirdikdən sonra Bakıya qayıdıb, həmin vaxtdan M.F.Axundzadə adına Azərbaycan Dövlət Akademik Opera və Balet Teatrının solisti olub, həmçinin Azərbaycan Dövlət Konservatoriyasında (indiki Bakı Musiqi Akademiyası) dərs deməyə başlayıb.Heydər Əliyev tərəfindən “Şöhrət” (1997) ordeninə, prezident İlham Əliyevin sərəncamı ilə “Şərəf” ordeninə (2010) layiq görülüb.Müğənni Xuraman Qasımovanın bacısıdır.

    Əməkdar artist Tünzalə Ağayeva övladının musiqi sevgisindən və yeni aranjimanda təqdim etdiyi “Son zəng” mahnısından söz açıb.Axşam.az-a açıqlama verən müğənni bunları bildirib:“Son zəng mahnısını yazdıranda, ona oxuması üçün dörd cümlə vermişdim. Musiqi duyumu olduğu üçün öhdəsindən gəldi. Amma ondan böyük nəsə tələb edə bilməzdim. Çünki studiyada çox sıxılır, çətinlik çəkir”.Müğənni “İmza” adlı solo konsertindən danışaraq, onu geyimi ilə Rihannanı, səhnə davranışı ilə Tina Törneri təkrarlamaqda günahlandıranlara cavab verib:“Müğənni hər dəfə yeni, gözlənilməz olmalı, təəccübləndirməyi bacarmalıdır. Əgər mən bunu bacarmışamsa, demək, qalibəm. Əslində dünyada 7 musiqi notu, bəlli rəqslər, rənglər var. Hara fırlansan da, nəsə bənzərlik olacaq. Yenidən nəsə icad edə bilmərik. Ona görə də oxşadanları normal qəbul edirəm”.

   Müğənni Samira Allahverdi  son günlərdə bütün şou-biznes nümayəndələrindən uzaqlaşıb.“Axır vaxtlar heç bir müğənni ilə görüşmürəm. Başım ailəmə, 11-ci sinfi bitirən oğluma qarışıb. İndi başa düşmüşəm ki, hamı çəkilib kənara. Mən insanlar arasında sünilik hiss edirəm. Məni Samira olduğum üçün sevin. Çox kövrək insanam, son vaxtlar da lap çoxalıb. Səhnəyə gələndə hamı iddialıdır ki, birinciyəm. Bu gün məni çəkirsiniz, sayırsınızsa, müğənni olmayanda da edin. Mənə müğənniliyimə görə hörmət edilməsini sevmirəm.Ona görə də mən şou-biznesdə özümü çox piar etmirəm. Ulduzluq etmək iddiasında deyiləm. "Dəyişməyən Samira" - mən buyam”.İfaçı açıqlamasında başının ailəsinə qarışdığını bildirib.

    Türkiyəli müğənni Rafet El Roman Bakıya gəlir. İfaçı paytaxtımızda solo konsert verəcək. “Məcnun” adlanan konsert sentyabrın 3-də baş tutacaq. Gecənin təşkilatçısı Nahid Emiloğludur.

 

Əhəd Miriyev

 

MuzTv.az