Xalq artisti Alim Qasımov istirahətə yollandı

Xalq artisti, dünya şöhrətli muğam ifaçısı Alim Qasımov istirahətə yollanıb.

   Xalq artisti, dünya şöhrətli muğam ifaçısı Alim Qasımov istirahətə yollanıb.Bu barədə sənətkarın özü AzNews.az-a açıqlama verib. O, istirahət üçün Naxçıvandakı Duzdağı müalicə ocağını seçib: “Bir balaca qrip olmuşdum. Dedim bir az havamı dəyişim. Odur ki, üz tutdum Naxçıvana. Buranın havası çox gözəldir”. A.Qasımov ona bir neçə ölkədən dəvət gəldiyini də bildirib: “Səfərləri Ramazan bayramından sonra planlaşdıracağıq”.

   Əməkdar artist Röya Ayxan və “Bozbash pictures”də Fəlakət obrazını canlandıran aktyor Elşən Orucov İstanbula yollanıb. Axşam.az-ın məlumatına görə, dostlar istirahətdən fotolarını sosial şəbəkədə paylaşıblar.Qeyd edək ki, R.Ayxan bir müddət əvvəl açıqlamasında Elşəndən küsdüyünü və yeni barışdıqlarını bildirmişdi.

   Aktyolar Fərda Amin və Elməddin Cəfərov yeni ekran işində bir araya gəliblər. “Xoxan” filminin ikinci hissəsini lentə alırlar. Bu dəfə film “Naxox” adlanır. Yeni işlərindən danışan F.Amin “Tamaşaçıların “Xoxan”da güldüklərindən iki dəfə artıq güləcəklərinə əminəm” deyə, bildirib. E.Cəfərov yeni ekran işinin də maraqlı olacağını iddia edib. "Naxox" dekabrda təqdim ediləcək.

   Formula 1” oyunları zamanı Bakının qonağı olan dünyaca məşhur ulduz Farrell Uilyams konsert verməklə yanaşı şəhər gəzintisinə də çıxıb. Bakı bulvarını gəzən Farrell fotosunu 7,4 milyon izləyicisi olan İnstaqram səhifəsində paylaşıb. Eyni zamanda aparıcı Hüsniyyə Məhərrəmova və təşkilatçı Anar Reyban da dünya ulduzu ilə yarışları izləyən zaman çəkilən fotolarını sosial şəbəkədə yayıb.

 

Əhəd Miriyev

 

MuzTv.az