Aygün Kazımova Rəhim Rəhimlinin ünvanına təriflər yağdırdı

Xalq artisti Aygün Kazımova müğənni Rəhim Rəhimlinin ünvanına təriflər yağdırıb. 

   Xalq artisti Aygün Kazımova müğənni Rəhim Rəhimlinin ünvanına təriflər yağdırıb. Axşam.az-ın məlumatına görə, müğənni açıqlamasında Nabran konsertində eyni səhnəni bölüşdüyü R.Rəhimli ilə yeni layihə hazırladığını deyib: "Rəhim 1997-ci ildə səhnəyə gələndə təəəccübləndik ki, yeni nəfəs gəlir. Biz illərin dostuyuq, o, mənim gözümün qabağında böyüyüb. Onunla həmişə yaxın olmuşuq. Səhnədə vampir olur. Onun bu vampirliyini sevirəm. Növbəti dəfə də səhnəni birlikdə paylaşacağıq. "Aygün Rəhimli" şounu gözləyin".

   Əməkdar artist Baloğlan Əşrəfov onun mahnılarını oxuyan müğənnilərə müraciət edib. O, bu haqda Milli.Az-a açıqlamasında danışıb:"Mənim mahnılarımı dünyanın bir çox yerlərində oxuyurlar. Bir neçə il öncə Sərdar Ortac "Nədəndir?" adlı mahnımı oxudu. Amma anonim qeyd etmişdi, bu təbii ki, mənə xoş gəlmədi. Zəng edib danışdıq, üzr istədi və səhvini düzəltdi. Hal-hazırda da Sərdarla dostluq əlaqələrimiz davam edir. Azərbaycanda bir çox müğənnilər mahnılarımı oxumaqla yanaşı, klip də çəkdiriblər. Qoy hamı mənim mahnımı oxusun. Amma xahiş edirəm, məndən yaxşı oxusunlar. Əgər məndən pis oxuyacaqlarsa, yalvarıram, oxumasınlar".

  Əməkdar artist Elza Seyidcahan Türkiyə şou-biznesinə qatılan müğənniləri tənqid edib. Axşam.az-ın məlumatına görə, ifaçı açıqlamasında iddialı danışıb.E.Seyidcahan Ayla Çelikin "Bağdad" mahnısını oxuyanlara da söz atıb:"Müğənnilərimiz elə bilirlər ki, Türkiyə şou-biznesinə qatılmağa cəhd etsələr, burada hörmətləri artacaq. Bu hər bir insanın bacarığı deyil. Kiminsə acığına gedib, evini satıb pulu ora qoyursansa, boş zəhmətdi. Özlərini gəlib burada kiməsə göstərmək üçün belə addım atırlar. Sənəti olmayanlar şou-biznesi biabırçı formada təqdim edirlər. Əgər Türkiyədə qalsam, mən oranın şou-biznesində öz sözümü layiqincə deyə bilərəm. Bunu sübut da etmişəm. Bu günlərdə hamı "Bağdad" mahnısı oxudu. Heç birini İnstaqram səhifəmdə paylaşmadım. Bilən də, bilməyəndə getdi mahnını səsləndirdi".

  Ötən gün məşhur müğənni Elnur Hüseynov Mərdəkanda yerləşən "Dalğa Beach"də "Trip Summer" adlı partidə konsert proqramı ilə çıxış edib.PrimeTime.Az xəbər verir ki , Elnur ifaları ilə qonaqların zövqünü oxşayıb. Müğənnini alqış yağışına tutan tamaşaçılar ifaçı ilə şəkil çəkdirmək üçün növbəyə düzülüblər.

 

Əhəd Miriyev

 

MuzTv.az