Dünya ulduzları İstanbulda baş verən terror hadisəsinə laqeyd qalmadılar

Dünən İstanbulun Atatürk Hava Limanında baş verən terror hadisəsi gündəmdədir.

    Dünən İstanbulun Atatürk Hava Limanında baş verən terror hadisəsi gündəmdədir.Axşam.az-ın məlumatına görə, dünya ulduzları da baş verən hadisəyə laqeyd qalmayıblar.Madonna, Enrikie İqlesias, Eros Ramazotti sosial şəbəkə hesablarında Türkiyə üçün paylaşım edib terroru lənətləyiblər.

    Müğənni Vera Brejneva maraqlı layihədə iştirak edib. Xeyriyyəçilik fondunun hərracına bu dəfə Vera Brejneva qoyulub.  Layihəni şərh edən Brejneva uşaqlar üçün hər şeyi edə biləcəyini deyib: “Bu gün ilk dəfə mən də “dost axşamı” aksiyasına qoşuluram. Axşam sizin dostunuz ola bilərəm. Sizinlə bouilinq oynaya bilərəm, parkda gəzə bilərəm, hətta birlikdə balıq da tuta bilərik. Bu şansı qazanan cütlük və ya ailə də ola bilər. Mən əminəm ki, bu gecədən bizə xoş təəssüratlar və fotolar qalacaq. Əsas odur ki, bir uşağın həyatını xilas edək”. 

   Müğənni Kənan Doğulu İstanbulda verdiyi konsertdən bir gün sonra həyat yoldaşı, aktrisa Beren Saatla ABŞ tətilinə gedib.Cütlük iyunun 27-də Atatürk Hava Limanında görüntülənib. Fotoqrafların onları çəkdiyini hiss edən Saat ərinin saçlarını düzəldib. Los-Ancelesdə evləri olan ikili təxminən bir ay orada qalacaq.K.Doğulu B.Saat və anası Serpil Doğulu arasında münasibətlərin gərgin olması haqqında iddiaları təkzib edib.

   İki ildir birlikdə olan model Ebru Şallı və müğənni Sinan Akçıl yenidən ayrılıb.Sevgililər 4-cü dəfə münasibətlərini bitirmək qərarına gəliblər. Onların 20 gün əvvəl ayrıldıqları, Ebrunun buna görə Bodrum tətilinə dostları ilə getdiyi deyilir.Akçılın Ebruya xəyanət etdiyi, modelin isə onu bağışlamaq niyyətində olmadığı bildirilir.

 

Əhəd Miriyev

 

MuzTv.az