Ramal İsrafilov: “Ağıllı olun!”

Müğənni-bəstəkar Ramal İsrafilov sosial şəbəkədə ünvanına yazılan təhqirlərə sərt cavab verib. 

    Müğənni-bəstəkar Ramal İsrafilov sosial şəbəkədə ünvanına yazılan təhqirlərə sərt cavab verib. Axşam.az-ın məlumatına görə, sənətçi bir müddət əvvəl saçlarını sarı rəngə boyatdırmışdı. Bu isə izləyiciləri tərəfindən müsbət qarşılanmamışdı. İfaçı ünvanına xoşagəlməz sözlər yazanlara bunları deyib:“Bir insan haqqında yaxşı və ya pis nəsə söyləmək istəyəndə, həmin adam özünü tanımalıdır. Tanımırsa, demək dediyi fikirlər də özünün deyil. Əziz insanlar, Allahın qulları, başqaları haqda düşünməkdən əl çəkin. Öz əməllərinizlə mübahisə edin, öz etdikləriniz haqda düşünün. Başqaları haqda rəy bildirməklə özünüzü unudursunuz. Hər kəs bir bədəndə, bir ruhda, bir dünyada yaşayır. Hər kəsin öz bildiyi əməlləri var. Bəziləri isə özlərini düşünməkdənsə, başqalarının haqqına girirlər. Kiminsə haqqına girməyin ey insanlar, siz fanisiniz. Ağıllı olun!”.

    Müğənni-bəstəkar Murad Arif “Dondurma” adlı mahnısını təqdim edib. İfaçı özünün bəstələdiyi mahnıya yaxın günlərdə klip çəkdirəcəyini bildirib.

    Müğənni Sevinc Musayeva növbəti klipini çəkdirmək üçün Türkiyəyə yollanıb. Sənətçi çəkilişlərin ürəyincə olduğunu bildirib. O, bu yeni layihəsinin çox bəyəniləcəyini iddia edib:“Mahnının adını hələ gizli saxlayıram. Amma onu deyim ki, dinləyicilərin çox sevdiyi bir bəstədir. Ekran işinin rejissoru Tofiq Teymuroğlu, operatoru Emin Hüseynovdur. Çəkilişlər İstanbulda dəniz kənarında, Taksim meydanında, Sultan Əhməd məscidinin yanında aparılıb”.

    Türkiyəli müğənni Sərdar Ortaç sabah Bakıda verməyi planlaşdırdığı konsertini təxirə salıb. Buna səbəb bir neçə gün əvvəl Atatürk hava limanında baş verən terror hadisəsi olub. İfaçının isitirahət mərkəzlərinin birində baş tutacaq konsertinin yeni vaxtı açıqlanıb. Belə ki, S.Ortaç iyulun 20-də Azərbaycana gələcək. O, gecədə sevilən mahnılarını oxuyacaq, maraqlı şou göstərəcək.

 

Əhəd Miriyev

 

MuzTv.az