Xalq artisti Zülfiyyə Xanbabayeva Avropada istirahət edir

Xalq artisti Zülfiyyə Xanbabayeva yay istirahətini Avropada keçirir. 

     Xalq artisti Zülfiyyə Xanbabayeva yay istirahətini Avropada keçirir. Axşam.az-ın məlumatına görə, müğənni Fransa, İtaliya, Monako və başqa yerləri gəzib. Z.Xanbabayeva qızı ilə birlikdə getdiyi səyahətdən fotoları sosial şəbəkədə paylaşıb.

    “Eurovision 2011” qalibi Nigar Camal yeni klipini təqdim edib. “Çağıran da ürəkdir” adlı mahnıya çəkilən ekran işinin rejissoru Fərhad Əlidir. Bəstənin sözləri İsmayıl Əsədova, musiqisi Ramin Vəlibəyova məxsusdur. 

     Müğənni-bəstəkar Hacı Nazim Məmmədovun qızı Fatimənin ad günüdür. İfaçı övladının 3 yaşını sosial şəbəkədə təbrik edib. N.Məmmədov “Allah bütün övladları əməlisaleh eləsin, eləcə də mənimkiləri.  Balam 3 yaşına girdi. Bizi təbrik edən bütün qohumlara təşəkkür edirəm” deyə, bildirib. Qeyd edək ki, N.Məmmədov Gülnar adlı xanımla ailə qurub. Cütülüyn Nur adlı daha bir qız övladı var.

    Türkiyəli müğənni Murad Dalkılıçın Bakı konsertinə sayılı günlər qalıb. Konsert iyulun 10-da şəhər restoranlarının birində reallaşacaq.Gecənin təşkilatçısı Nahid Emiloğlu açıqlamasında bunları bildirib: “Dalkılıç səhnəni yunan ifaçı Otilia ilə bölüşəcək. Hər iki ifaçının gecədə qonaqlara maraqlı anlar yaşadacaq. Otilia konsertdə “Gəlsəndə, gəlməsəndə” adlı məşhur Azərbaycan mahnısını səsləndirəcək. Tədbirdə yerli müğənnilərimizdən birinin də çıxışı gözlənilir.”

 

Əhəd Miriyev

 

MuzTv.az