Elza Seyidcahanın 48 yaşı tamam oldu

Əməkdar artist Elza Seyidcahanın ad günü olub. Axşam.az-ın məlumatına görə, müğənni 48 yaşını ailəsi ilə birlikdə keçirib. 

    Əməkdar artist Elza Seyidcahanın ad günü olub. Axşam.az-ın məlumatına görə, müğənni 48 yaşını ailəsi ilə birlikdə keçirib. Təəssüratlarını bölüşən E.Seyidcahan bir çox dostlarından hədiyyələr aldığını deyib. “Yaxın bir dostum mənə ad günüm üçün bahalı üzük bağışlayıb. Məni özəl günümdə yada salan hər kəsə təşəkkür edirəm” deyə, ifaçı bildirib.

    Uzun müddətdir müğənnilik fəaliyyətinə ara verən Safurə Əliyeva yeni mahnısını təqdim edib. "Baku" adlanan mahnının sözləri və musiqisi ifaçının özünə məxsusdur. Bəstənin aranjimanını Elvin Musayev edib. S.Əliyeva ingilis dilində səsləndirdiyi mahnıya çarx da çəkdirib. Çarxın rejissorluğunu ifaçı özü və Fərhad Əli edib. 

    Müğənni Nadir Qafarzadə “Sevirəm səni” adlı yeni mahnısını təqdim edib. Bəstənin sözləri Baba Vəziroğluna, musiqisi isə Sədaqət Arifqızına aiddir.Mahnının aranjiman işi Rabil Səfərliyə həvalə olunub.

    Müğənni Elvin Abdullayev “Sayqılar” mahnısına çəkdirdiyi klipini təqdim edib. Bəstənin musiqisi ifaçının özünə, sözləri Arzu Yahyayevaya məxsusdur. İfaçının yeni ekran işinin rejissoru xanımı Afət Abdullayevadır.

 

Əhəd Miriyev

 

MuzTv.az