Elza Seyidcahan: “Mənə qarşı qruplaşma var”

Əməkdar artist Elza Seyidcahan “Azərbaycanın səsi” yarışmasındakı münsiflərdən şikayətlənib. 

   Əməkdar artist Elza Seyidcahan “Azərbaycanın səsi” yarışmasındakı münsiflərdən şikayətlənib. Axşam.az-ın məlumatına görə, müğənni bəstəkar Nailə Mirməmmədli və xalq artisti Samir Cəfərovun ona qarşı qruplaşma yaratdığını deyib:“Nailə ilə Samirdə mənə qarşı qruplaşma var. Üzə vurmaslar da, daxillərində olduğunu hiss edirəm. Nailə xanım, açıq-açıq hamını tərifləyir ki, sən ürəksən. Bizim ürəyimiz yoxdur? Daş deyilik ki... Ürəyimiz də, böyrəyimiz də, ciyərimiz də var”.N.Mirməmmədli isə E.Seyidcahanın bu iddiasını qəbul etməyib. Bəstəkar “Qruplaşmaya inanmayın. Sənətə qapılanda belə hallar olur, tərifləyirik” deyə, cavab verib.

   Müğənni Sevda Yahyayeva hələ ki, dincəlmək qərarını qətiləşdirməyib. PrimeTime.Az-a açıqlama verən müğənni, bunun səbəbini belə izah edib:"Yayı, günəşi çox sevirəm. Adətən deyirlər ki, qış fəslində dünyaya gələnlər qar və çovğunu sevirlər, bunu özümə şamil etmirəm. Mənim üçün istirahət, xaricə səfər etməklə ölçülmür. Azərbaycanın gözəl və səfalı təbiəti var.Əzizlərimlə birgə vaxtım olanda dincəlməyə gedirik. Yay məzuniyyəti haqda düşünməməyimin əsas səbəbi üzərində işlədiyim layihə ilə bağlıdır. İnşAllah çox yaxında sevənlərim bu sürprizə şahid olacaqlar".

  Müğənni Çingiz Mustafayev “Gedirəm” adlı mahnısına çəkdirdiyi klipini təqdim edib. Bəstənin sözləri və musiqisi ifaçının özünə məxsusdur. Ekran işinin rejissorluğu Nicat Zeynallıya həvalə olunub. Ç.Mustafayev mahnını “Palmas” qrupunun solisti Taleh Qəhrəmanovla duet şəklində səsləndirib.

   Müğənni Ramal İsrafilov qızı Liyanın yeni fotosunu paylaşıb. Sənətçi şəklə “Gözəl balam. Allah bütün balaları qorusun” şərhini yazıb.

 

Əhəd Miriyev

 

MuzTv.az