“Eurovision 2016” təmsilçimiz Səmra Rəhimlinin ailəsi ilə fotosu yayıldı

“Eurovision 2016” təmsilçimiz Səmra Rəhimli anası və bacısı ilə yeni fotosunu paylaşıb. 

   “Eurovision 2016” təmsilçimiz Səmra Rəhimli anası və bacısı ilə yeni fotosunu paylaşıb. Axşam.az-ın məlumatına görə, müğənni şəklə “Mənim anam və bacım. Sevimli ailəm” şərhini yazıb. Qeyd edək ki, S.Rəhimlinin anası İlahə Baxşıyeva “Miss Şarm Azərbaycan-2003” müsabiqəsinin qalibi olub.

    Türkiyədə yaşayan azərbaycanlı müğənni Azəri Günel Zeynalova hava limanında kameralara tuş gəlib. O, uzun müddətdir sağlamlığında yaşadığı problemlərə görə mahnı oxuya  bilməyən İbrahim Tatlısəslə bağlı da müjdə verib. 
“İrəliləyən zamanlarda İbrahim abinin səsini daha çox eşidəcəksiniz, sürpriz olsun” deyən Günel eynək taxmasından da söz açıb:“Uzağı görmürəm, imic falan deyil, yaraşıbsa, nə gözəl. Bir narahatlığım var, bir az keçəndən sonra ona da son verəcəyik”. Azəri Günel albomunda yer alacaq İbrahim Tatlısəsin bir mahnısını oxumaq üçün İstanbula gəldiyini və klip çəkilişlərinə başlayacağını da istisna etməyib.

    Rəqqasə Oksana Rəsulova yeni klipini təqdim edib. Ekran işində sənətçi “Naino Main Sapna”  (“Gözlərimdə arzu”) adlı mahnıya rəqs nümayiş etdirib. Ekran işinin rejissorluğu Nail Naiboğluna həvalə edilib.

    İstirahətə hazırlaşan müğənni Könül Kərimova konsert verəcək. İfaçı bu haqda açıqlamasında bildirib:“Məni kim görürsə, deyir yorğunsan. İstirahət o demək deyil ki, xaricə gedəsən. Burada da dincəlməyə gözəl yerlərimiz var. Ailəmlə birlikdə istirahətə gedəcəm. Sevənlərin istəyini damcı-damcı yığmışıq. Hərdən adama çox diqqət göstərilməsi yorğunluq gətirir. Ona görə də gözdən uzaq bir yerə getməyi düşünürəm. İstirahətdən sonra maraqlı layihələrim var. Çoxdandır konsert verə bilmirəm. Bu il mütləq etmək istəyirəm. Hesabat konserti verəcəm. Hikmət Aslanovla duetimiz hazırdır. Çoxdan planlaşdırırdıq, mənim ucbatımdan yubandı. Hikmət məndən küsmüşdü, indi barışdıq".

 

Əhəd Miriyev

 

MuzTv.az