Mətanət İsgəndirlinin ad günüdür

Əməkdar artist Mətanət İsgəndirlinin ad günüdür. 

   Əməkdar artist Mətanət İsgəndirlinin ad günüdür. Təəssüratlarını Axşam.az-la bölüşən müğənni ilk təbriki nəvəsi Tuncaydan aldığını deyib. 53 yaşı tamam olan M.İsgəndərli özəl gününü ailəsi ilə birlikdə qeyd edəcəyini bildirib:“Bu gün həm də oğlum Kərimin ad günüdür. Böyük məclis keçirməyəcəm. Ailəmlə birlikdə haradasa oturub, qeyd edəcəyik. İlk təbriki gecə nəvəmdən aldım. Axşam işdən qayıdanda qapını açdı, məni təbrik etdi. O saata qədər yatmayıb, məni gözləmişdi. Daha sonra övladlarım təbrik etdi.Dayanmadan dostlarım yazır, zəng vururlar. Bu qədər diqqət görmək böyük xoşbəxtlikdir”.

   Müğənni -bəstəkar Rəhim Rəhimli repertuarına yeni mahnı daxil edib.PrimeTime.Az xəbər verir ki, onun ifa edəcəyi növbəti hit haqda geniş məlumat olmasa da, mahnının "Elə bu gecə" adlandığı vurğulanır. Hazırda yeni bəstə üzərində tamamlama işləri gedir və yaxında Rəhim sevənlərə təqdim ediləcəyi deyilir.

   Müğənni Zamiq Hüseynov istedadı olan gənclərə hər zaman dəstək olmasından və özündən çox onların işini gördüyünü bildirib.Sənətçi  yeni gələn ifaçıların onlara hörmət etmədiyini açıqlayıb.”Baxıram ki, bəzi gənclər əziyyət çəkirlər, hər yerdə oxuyub pul qazanırlar, mahnı alırlar. Amma eləsi də var ki, çıxır Röyanın, mənim, Brilliant Dadaşovanın mahnısını oxuyurlar. Bizi görəndə özlərin elə aparırlar ki, elə bil biz onların mahnısını oğurlayırıq. Mənə yaxşılıq da, pislik də edən yadımdadır, ömür boyu da unutmayacam. Vaxtında xətrimə dəyən xalq artistinə indi də münasibətim soyuqdur”.Z.Hüseynov qalmaqaldan uzaq olduğunu söyləyib:"Kiminsə qəlbinə dəymədən, qalmaqal etmədən yaşamağa çalışıram. Oynamağı bacarmıram, kimdənsə xoşum gəlmirsə, bunu açıq bildirəcəm. Müğənniyəm deyə, bütün həmkarlarla ailəvi dost olmayacam ki...".

   Türkiyəli müğənni Doğuş film çəkir. Sənətçi açıqlamasında ekran işində özünün çəkiləcəyini bildirib:“Rejissorluğunu özüm edəcəm, baş rolda da çəkiləcəm. Həyatıma aidiyyatı yoxdur, amma eşq filmidir”.Doğuş xalq artisti Alim Qasımovla işbirliyi edəcəyini deyib:“Alim Qasımovu çox sevirəm. Möhtəşəm səsi var. Eyni zamanda əvəzolunmaz bir sənətkardır, ondan çox şey öyrənməliyəm. Onu bütün dünya sevir”.

 

Əhəd Miriyev

 

MuzTv.az