Rəhim Rəhimlidən “Elə bu gecə” adlı yeni mahnı

Müğənni Rəhim Rəhimli  “Elə bu gecə” adlı yeni mahnı hazırlayıb. 

   Müğənni Rəhim Rəhimli  “Elə bu gecə” adlı yeni mahnı hazırlayıb. Axşam.az-ın məlumatına görə, bəstənin sözləri və musiqisi Sevərə məxsusdur. Mahnı reggi janrındadır. Bəstənin aranjimanını Gürcüstanda fəsliyyət göstərən şirkətin əməkdaşları və Tərlan Məmmədhüseynov edib. R.Rəhimli yeni mahnısı üçün fotosessiya da etdirib.

   Müğənni Elçin Cəfərov "Nəğmələrim" adlı yeni mahnısını təqdim edib. PrimeTime.Az xəbər verir ki, "Nəğmələrim" adlanan mahnının sözlərini qayınatası, keçmiş millət vəkili SabirRüstəmxanlıya, musiqisi isə müğənninin özünə məxsusdur.Mahnının aranjimanı Tərlan Məmmədhüseynova məxsusdur.

   Müğənni Rəqsanə İsmayılova uzun saçlarını qısaldıb. Hər zaman qaynaqla dolaşan sənətçi onları çıxartdırıb. R.İsmayılova eyni zamanda sosial şəbəkədə ünvanına yazılan təhqirlərə cavab verib: “Düşündüm bu İnstaqramda bir-iki adama cavab verim, sonra dedim boş ver. Hələ anlamırlar, sonra başa düşərlər. Mənim çəkimə düşmək üçün dözüm, iradə, səbr lazımdır. İkinci mənim saçım anadangəlmə seyrəkdir. 1979-cu il təvəllüdlüyəm, yaşımı siz hesablayın. Nə edim, bütün günü yemək yeyib, qarşınıza üç-dörd mərtəbə çıxım? O ki qaldı geyimimə... Şortik geyinmək eyibdirsə, siz geyinməyin".

   Müğənni Sevinc Musayevanın ad günü olub. Sənətçi özəl gününü ailəsi, dostları ilə birlikdə qeyd edib. Şəhər restoranlarından birində baş tutan gecədə ifaçı qonaqlar üçün mahnılar səsləndirib.

 

Əhəd Miriyev

 

MuzTv.az