Aygün Kazımova media nümayəndələrini təbrik etdi

Xalq artisti Aygün Kazımova media nümayəndələrini Milli Mətbuat Günü münasibətilə təbrik edib. 

    Xalq artisti Aygün Kazımova media nümayəndələrini Milli Mətbuat Günü münasibətilə təbrik edib. Axşam.az-ın məlumatına görə, müğənninin təbrik məktubunda bildirilir: “Hər birinizi Azərbaycan Milli Mətbuat Günü münasibətilə təbrik edirəm. Peşə bayramınızda hər birinizə işlərinizdə uğurlar arzu edirəm. Çalışdığınız sahə həm məsuliyyətli, həm də  çox qiymətlidir.
Bütün yaradıcılığım boyu demək olar ki, hər zaman yanımda olmusunuz, birgə addımlamışıq. Buna görə sizə təşəkkür edirəm. Keçilən çətin, məsuliyyətli, keşməkeşli 141 il mətbuatımızın daim inkişafına yönəlib. Qələminiz hər zaman iti, sözünüz hər zaman kəsərli, imzanız isə hər zaman tanınan olsun. Bayramınız mübarək!".

    Xalq artisti Məleykə Əsədova yay istirahətinə yollanıb. Aktrisa qızı Gülərlə birlikdə xaricdə gəzir. Əvvəlcə İtaliyaya gedən M.Əsədova, daha sonra Amerikaya yollanıb. Fotolarını sosial şəbəkədə paylaşan M.Əsədova yeni saç düzümü ilə də diqqət çəkib. Hər zaman uzun olan saçlarını əvvəlcə qısa etdirən aktrisa daha sonra onları buruq formasına saldırıb. Yeni görünüşü ilə bağlı fikirlərini bölüşən M.Əsədova “Las-Veqas çox sevdiyim şəhərdir. Buranın saç ustaları mənə öz saç düzümlərini etdirlər. Bir az fərqlilik oldu” deyib.

    "Planet Parni iz Baku" KVN Teatrının bədii rəhbəri və rejissoru Tahir İmanovun çəkdiyi "Ölülər XXI əsr" adlı yeni filminin ilk görüntüləri yayılıb. Ekran işinin soundtrekini müğənni Elçin Cəfərov səsləndirib. Mahnıya filmdəki kadrlardan ibarət klip hazırlanıb. Mahnının musiqisi Faiq Sücəddinova, sözləri isə Baba Vəziroğluna məxsusdur. Məşhur "Ölülər" əsərinin müasir versiyası olan ekran işində Tahir İmanov, Valeh Kərimov, Elnar Qarayev, Cabir İmanov, Rövşən Kərimduxt, Bəhram Bağırzadə, Mehriban Xanlarova, Dilarə Əliyeva, Elxan Quliyev, Ziba Şücayi və başqaları rol alıb. Filmin ssenari müəllifi Tahir İmanov, Ələkbər Əliyev, Mütəllim Həsənov, Anar Ömərov, Məmmədəli Kazımovdur. Baş prodüserliyini Tahir və Cabir İmanov qardaşlarının etdiyi film sentaybrın 22-dən etibarən kinoteatrlarda yayımlanacaq. "Ölülər XXI əsr" görkəmli dramaturq Cəlil Məmmədquluzadənin xatirəsinə həsr olunub. 

   Əməkdar artist Abbas Bağırov Gürcüstana yollanıb. Batumidə dincələn müğənni fotolarını sosial şəbəkədə paylaşıb.

 

Əhəd Miriyev

 

MuzTv.az