Rauf: “Gələn il “Eurovision”a getmək istəyirəm”

Tez bir zamanda şou-biznesdə öz sözünü deyən, “-40 dərəcə” mahnısı ilə tanınan müğənni Rauf Əhmədov solo konsert verəcək. 

    Tez bir zamanda şou-biznesdə öz sözünü deyən, “-40 dərəcə” mahnısı ilə tanınan müğənni Rauf Əhmədov solo konsert verəcək. Fərqli oxu tərzi və stili ilə tamaşaçıların rəğbətini qazanan Rauf, sevənləri qarşısında hesabat konserti verməyi özünə borc bilir. Sənətçi iyulun 29-u “Mambo beach”də reallaşacaq konsert barədə açıqlama verib. Pozitivliyi ilə seçilən Əhmədov “+40 dərəcə” adlı solo konsertində yeni klipini də təqdim edəcəyini vurğulayıb: “İlk dəfə olaraq mini solo konsert verəcəm. Konsert“+40 dərəcə” adlanacaq. Çalışacam camaata müsbət enerji ötürüm. Konsertdə “Gec-tez” adlı yeni klipimi də təqdim edəcəyəm. Klipdə Nigar Camal da yer alıb. Bir dəfə mən onun “Yalan” adlı klipində çəkilmişəm, bu dəfə isə o mənim klipimdə çəkildi. Əvəz-əvəz dünyasıdır. Mən özümə inanıram və komandama güvənirəm. Konsertdən əlavə, gələn il “Eurovision”a getmək istəyirəm. Biri var mənəm-mənəm deyib paltarını göstərirsən, biri də var işini göstərirsən. Mən işini göstərənlərdənəm”.

 

Sevda Məmmədova

Bəhram Cəbrayılov

 

Muz-Tv.az