Brilliant Dadaşovadan “Belə-belə işlər” adlı yeni mahnı

Xalq artisti Brilliant Dadaşova “Belə-belə işlər” adlı yeni mahnısını təqdim edib. 

    Xalq artisti Brilliant Dadaşova “Belə-belə işlər” adlı yeni mahnısını təqdim edib. Axşam.az-ın məlumatına görə, bəstə Moldovanıın “Ragoza Music” şirkətində hazırlanıb. Mahnının sözlərini müğənninin özü, musiqisini isə 2010-cu ildə Moldovanı “Eurovision”da təmsil edən “Sunstroke Project” qrupunun ulduzları Anton Raqoza və Sergey Yalovitskiy yazıb. Bəstənin aranjiman işi Maykl Raya məxsusdur. Mahnı haqqında danışan əcnəbi müəlliflər “Daha çox Rusiya və Avropa ifaçıları üçün mahnılar bəstələmişik. Azərbaycanın sevilən ifaçısı ilə əməkdaşlıq bizim üçün maraqlı və məsuliyyətli idi. Azərbaycan dilində ilk bəstəmiz olsa da, sonuncu olmayacaq. Çünki bu işdən məmnun qaldıq” deyə, bildiriblər. Qeyd edək ki, mahnı tək Azərbaycanda yox, bir çox Balkan ölkələrində də yayımlanacaq.

   Müğənni Sevda Yahyayeva yeni fotosessiyaya imza atıb. PrimeTime.Az xəbər verir ki, layihə "Qadın" adlansa da, Sevda bu mövzu haqda geniş danışa bilmir. "Qadın kimdir?" sualı qarşısında cavabsız qalan Yahyayeva fikirlərini bu cür ifadə edib: "Mən qadınam! Bildiyim tək həqiqət budur. Amma doğulduğum gündən bu günədək qadının kimliyi haqda heç nə bilmirəm. O, nə istəyir, hansı arzularla yaşayır, ümumiyyətlə, kimdir qadın? Bax bu suallar qarşısında hələ də acizəm". Qeyd edək ki, Sevdanın görünüşü üzərində stilist Qusik Simon çalışıb. Bu fərqli fotolayihəni ərsəyə gətirən isə tanınmış fotoqraf Niko Abbasovdur.

   Bir müddət əvvəl Türkiyəyə köçən müğənni Ayan Babakişiyeva Bakıya qayıdıb.İfaçı açıqlamasında geyimlərini satışa çıxardığını deyib: “Bir neçə gün Bakıda qalacam. Türkiyəyə köçdüyümə görə geyimlərimin bəzilərini satışa çıxarmışam. Tək geyimlər yox, ayaqqabılar və başqa əşyalar da var. Əldə etdiyim pulu isə xeyriyyə işinə sərf edəcəyəm. Bu mənim ilk xeyriyyə işim deyil. Dəfələrlə Gəncədə uşaq evlərinə yardım etmişəm. Bu haqda danışmağı xoşlamıram. Satışdan nə qədər pul əldə olunsa, yenə uşaq evinə bağışlayacağam".

   Müğənni Səidə Sultan yenidən aparıcılığa başlayacaq.İfaçı qonşu kanalların birində efirə çıxacaq. S.Sultanın yeni verilişi həftədə bir dəfə efirə gedəcək. 

 

Əhəd Miriyev

 

MuzTv.az