Cennifer Lopez ayaqqabı brendi ilə birlikdə kolleksiya yaradacaq

Dünya şöhrətli müğənni Cennifer Lopez ilk dəfə olaraq İtaliyanın “Giuseppe Zanotti” ayaqqabı brendi ilə birlikdə kolleksiya yaradacaq. 

   Dünya şöhrətli müğənni Cennifer Lopez ilk dəfə olaraq İtaliyanın “Giuseppe Zanotti” ayaqqabı brendi ilə birlikdə kolleksiya yaradacaq. PrimeTime.Az xarici mətbuata istinadən xəbər verir ki, bu günlərdə italyan brendi dünya ulduzuna limitli ayaqqabı kolleksiyası hazırlamaq təklifi edib. Bu, ulduzun moda dünyasında ilk təcrübəsi olacaq. Kolleksiyanın 2017-ci ildə çıxması planlaşdırılır. Cenifer Lopez Cüzeppe Zanottinin yaradıcılığının sadiq pərəstişkarıdır. Belə ki, müğənninin şəxsi kolleksiyasında sevimli brendin onlarla modeli var.

   Kənan İmirzalıoğlu və Sinem Kobal cütlüyünün eyni serialda yer alacağı haqda xəbərlər yayılıb.Axşam.az xəbər verir ki, son olaraq "Karadayı" serialında çəkilən Kənan bir illik fasilədən sonra ekranlara dönəcək. Serialla bağlı hazırlıqlar davam edərkən aktyor üçün tərəf müqabili tapmaqda çətinlik çəkilir. Bu səbəbdən "Ay Yapım" İmirzalıoğluna həyat yoldaşı S.Koballa birgə çəkilməyi təklif edib. Yaxın günlərdə bu haqda yekun qərar qəbul ediləcək.

   Məşhur pop müğənnisi Hande Yener jurnalistlərin evlilik haqqında sualını cavablandırıb.43 yaşlı müğənni 3 ildir birlikdə olduğu sevgilisi Ozan Öğütdən dəfələrlə evlilik təklifi almasına baxmayaraq, bu ilin mayında ayrılmışdı. Müğənni jurnalistlərin “evliliyə münasibətiniz necədir?” sualına “bu saatdan sonra çox çətin” deyə cavab verib. O, bununla belə, “böyük danışmasam yaxşı olar” deyərək, gələcəkdə hər hansı bir təklif olarsa dəyərləndirmək üçün “açıq qapı” buraxıb.

   Model – aktrisa Serenay Sarıkayanın istirahəti başa çatıb. 25 yaşlı aktrisa sevgilisi Kərəm Bürsinlə çıxdığı tətili başa vuraraq İstanbula qayıdıb. O, Bəbəköydə kafelərdən birində anası ilə görüntülənib. Yaxşı əhvalda olan aktrisa anası ilə qəhvə içərək uzun söhbət edib.

 

Əhəd Miriyev

 

MuzTv.az