Röya Ayxan və Abbas Bağırovdan "Sevgilim" adlı yeni duet

Əməkdar artistlər Abbas Bağırov və Röya Ayxan yeni duet səsləndiriblər.

    Əməkdar artistlər Abbas Bağırov və Röya Ayxan yeni duet səsləndiriblər.Axşam.az-ın məlumatına görə, mahnıdan bir hissəni ifaçılar sosial şəbəkədə paylaşıblar. Onlar bəstənin yaxın günlərdə təqdim olunacağını bildiriblər. "Sevgilim" adlanan mahnının müəllifi Sevda Məmmədlidir. Bəstənin aranjiman işi Samir Şirinova həvalə olunub. 

   Əməkdar artist Murad Dadaşov reallaşmayan arzularından danışıb. Milli.Az bildirir ki, şoumen açıqlamasında dramatik obraz canlandırmaq istədiyini deyib: "Mənim bir yerinə yetməyən arzum var, ömrümün axırına kimi də yəqin yerinə yetməyəcək. Həmişə serfinqist kostyumu geyinə bilən və özünü rahat hiss edən insanlara paxıllıq etmişəm. Əlbəttə ki, onu mən də geyinə bilərəm, ancaq qorxuram ki, məni bu kostyumda görən insanlar serfinqin daşını atacaq. Digər arzum dramatik rol ifa etməkdir. Mənə həmişə komediya rolları təklif edirlər. Hamı düşünür ki, mən komik rolları əla ifa edə bilirəm. Ancaq mən dramatik rolları da oynaya bilərəm. İnsanların buna inanması üçün nə etmək lazım olduğunu bilmirəm. Yəqin ki, mən özüm-özümə belə imkan yaratmalı və hamını buna inandırmalıyam. Güldürməyi bacaran kəs düşünürəm ki, insanları düşündürməyi, ağlatmağı da bacarar".

    Türkiyədə yaşayan Azəri Günel Zeynalova bizneslə məşğul olmağa qərara verib. PrimeTime.Az türk mətbuatına istinadən xəbər verir ki, Etilər səmtində həm pizza, həm də gözəllik salonu açan müğənni, yeni iş yerində mətbuat nümayəndələrinə poz verib. Azəri Günel jurnalistlərə "Həm müdir, həm də ofisiantam" deyərək gülüb. İşçiləri ilə birlikdə mətbəxə girib pizza hazırlamaqdan çəkinmədiyini deyən Günel, mahnı oxumaqdan və səhnələrdən də əl çəkməyəcəyini bildirib.

    Müğənni Niyam Salami və Səidə Sultan duet şəklində səsləndirdiyi “Bir şans ver” adlı mahnıya klip çəkdirib. Bəstənin aranjiman işini Fərid Ağa edib. Ekran işinin rejissorluğu “R. Group production”a, Rüfət Şabanova həvalə olunub. Klipin operatoru İlkin Məmmədovdur. Kliplə bağlı açıqlama verən S.Sultan “Çəkilişlərimiz gecə səhərə kimi davam etdi. Maraqlı bir klip alınıb. İnanırıq ki, tamaşaçılar da bəyənəcək” deyib.

 

Əhəd Miriyev

 

MuzTv.az