Röya Ayxan 10 il əvvəl çəkilən arxiv fotosunu paylaşdı

Əməkdar artist Röya Ayxan 10 il əvvəl çəkilən arxiv fotosunu paylaşıb. 

   Əməkdar artist Röya Ayxan 10 il əvvəl çəkilən arxiv fotosunu paylaşıb. Axşam.az-ın məlumatına görə, şəkildə müğənninin bir vaxtlar birlikdə çalışdığı, uzun illərdir küsülü olduğu prodüser Tarix Əliyev (Tolik) də yer alıb.  R.Ayxan fotoya bunları qeyd edib:“Bu şəkli göndərdilər, şok oldum. Şəkil çəkdirməyi sevmirəm, amma bu halları görəndə sevinirəm. Həyatda xatirə deyilən bir şeylər var. Düz on il bundan əvvəl. Xatirə İslam, Tarix Əliyev, Anar Malik, Ayan Abbasova xatırladınız?”.

   Müğənni Elvin Abdullayev “Darıxdım” adlı yeni mahnı üzərində işləyir. Bəstənin musiqisi əməkdar artist Abbas Bağırov, sözləri Arzu Yahyayevaya məxsusdur. “Darıxdım”ın aranjiman işi Fərid İmana həvalə olunub.  “Mənə çox əziz olan dəyərli dostum Abbas Bağırova mahnıya görə təşəkkür edirəm. Sənəti kimi böyük ürəyi var” deyə, E.Abdullayev bildirib. İfaçı mahnının tam versiyasını yaxın günlərdə dinləyicilərin ixtiyarına verəcəyini söyləyib. 

   Rusiyanın xalq artisti Filipp Kirkorov yenidən Azərbaycana gələcək. Müğənni dekabrın 10-da paytaxtımızda solo konsert verəcək. İfaçının çıxışı “Ya” (“Mən”) adlı konsert turnesi çərçivəsində baş tutacaq. Tədbir “Crystall Hall”da gerçəkləşəcək. Qeyd edək ki, F.Kirkorova uzun illər Azərbaycana gəlmək qadağan edilmişdi. Müğənni uzun fasilədən sonra iyulun 9-da ölkəmizdə keçirilən “Jara” festivalına qatılıb. O, səfər zamanı Bakıda "Crystal hall"da konsert verməyi arzuladığını bildirmişdi.

   Türkiyəli müğənni Emre Kaya Azərbaycana gələcək. İfaçı iyulun 30-da Nabranda konsert verəcək. İstirahət mərkəzlərindən birində gerçəkləşəcək tədbir saat 22:00-da başlayacaq.

 

Əhəd Miriyev

 

MuzTv.az