Nadir Qafarzadə cəbhə bölgəsindəki əsgərlərə hədiyyələr apardı

Müğənni Nadir Qafarzadə Füzuli rayonuna yollanıb. 

   Müğənni Nadir Qafarzadə Füzuli rayonuna yollanıb. Axşam.az-ın məlumatına görə, sənətçi cəbhə bölgəsində olan əsgərlərə hədiyyələr aparıb. O bildirib ki, bunu sosial şəbəkədə paylaşmaqda məqsədi özünü reklam etmək deyil: “Füzuli rayonunda, cəbhə bölgəsindəki əsgərlərə baş çəkdim. Onlara bacardığım qədər sovqat apardım. Bunu paylaşaraq, özümü reklam etmirəm. Bəzi insanlara mesaj göndərirəm ki, əlinizdən gəldiyi qədər yaxşılıq edin”.

   Müğənni Ramal İsrafilov “Hədiyyəm olsun” adlı yeni mahnısını təqdim edib. Bəstənin sözləri Ülviyyə Alovluya, musiqisi Ramalın özünə aiddir.R.İsrafilov mahnını mərhum xalq artisti İlhamə Quliyeva ilə duet oxuyub. O bildirib ki, mahnı illər əvvəl yazılsa da, texniki səbəbdən işıq üzü görməyib: “İndi bu mahnını İlhamə Quliyevanın ad gününə həsr edirəm".

   Müğənni Gülay Zeynallı ilk dəfə atasının fotosunu paylaşıb. Axşam.az-ın məlumatına görə, sənətçi şəklə “Səni çox sevirəm ata” şərhini yazıb. Şəkildə G.Zeynallının idmançı həyat yoldaşı Kamil Zeynallı və qızı Sahilə də yer alıb. Qeyd edək ki, G.Zeynallı bu günə kimi heç vaxt atasının şəklini paylaşmayıb, onunla bağlı danışmayıb.

   Müğənni Elvin Abdullayev “Darıxdım” adlı yeni mahnısını təqdim edib. Bəstənin sözləri Arzu Yahyayevaya, musiqisi isə Abbas Bağırova məxsusdur. Mahnının aranjimanı Fərid İmana həvalə olunub. 

 

Əhəd Miriyev

 

MuzTv.az