Abbas Bağırov və Röya Ayxanın növbəti dueti

Əməkdar artistlər Abbas Bağırov və Röya Ayxan duet şəklində səsləndirdiyi “Sevgilim ol” mahnısını təqdim ediblər. 

   Əməkdar artistlər Abbas Bağırov və Röya Ayxan duet şəklində səsləndirdiyi “Sevgilim ol” mahnısını təqdim ediblər. Axşam.az-ın məlumatına görə, bəstənin müəllifi Sevda Məmmədlidir. Mahnının aranjimanını Samir Şirinov edib.

   Əməkdar artist Tünzalə Ağayeva istirahətə yollanıb. Bodrumda dincələn müğənni fotolarını izləyiciləri ilə bölüşüb. T.Ağayeva eyni zamanda yeni mahnı üzərində çalışdığını vurğulayıb. O bildirib ki, “Gəl mənə göstər” adlanan mahnının sözləri Murad Arifə, musiqisi özünə aiddir.

   Əməkdar artist Elza Seyidcahan modellik edəcək. Bu haqda müğənni özü deyib. O bildirib ki, yeni çalışmağa başladığı stilistin geyimlərini podiumda nümayiş etdirəcək:“Bu yaxınlarda “Retro Bakı” layihəsində maraqlı bir şlyapa ilə səhnəyə çıxdım. Hamı maraqlanırdı ki, bunu necə düzəldiblər?. İmicim üzərində yeni işə başladığım stilist çalışmışdı. Adını hələ gizlin saxlayıram. Onunla moda nümayişinə hazırlaşırıq. Həmin gün podiuma model kim mən çıxacam”.

   Müğənni  Natavan Həbibi həyatda güclü olmağın sirrlərindən danışıb. PrimeTime.Az-a müsahibə verən ifaçı bunları bildirib: "Daxili rahatlıq və arxayınlıq həyatda önəmli amildir. O rahatlığı pozan haqsızlıqlara qalib gəlmək mütləq və mütləq lazımdır. Getdiyin yolda ətrafına gücünü və özünü sübüt edərək bütün narahatçılığı birdəfəlik aradan qaldırmış olarsan. Ruhən, qəlbən rahatlığa qovuşduqdan sonra həyat çox gözəlləşir, həyata baxışın dəyişir, insan aqressiyadan kənar olub hüzura qovuşar. Bax, o zaman sənə qarşı olunanlar önəmsizləşər və görməzdən gələrsən. Çünki, onların o rahatlığı pozmağa dəymədiyini anlayarsan. Həyat ele bu cür gözəldir. Hər kəsə hüzur dolu həyat arzu edirəm".

 

Əhəd Miriyev

 

MuzTv.az