Skripkaçı Səlimin “Sürət” adlı yeni klipi

Əməkdar artist Səlim Abbasov “Sürət” adlı mahnısına çəkdirdiyi klipini təqdim edib. 

   Əməkdar artist Səlim Abbasov “Sürət” adlı mahnısına çəkdirdiyi klipini təqdim edib. Axşam.az-ın məlumatına görə, ekran işinin prodüseri Vüqar Şəfiyev, rejissoru Aygün Hacızadədir. Kompazisiyanın aranjimanını Anar Abbasov edib. Zərb alətlərində ifa edən Xəyal Abbasovdur. Skripka ifaçısının klipi dəniz sahilində lentə alınıb.

   Prodüser Tarix Əliyevin ( Tolik) “Facebook” sosial şəbəkədəki şəxsi hesabı təsdiq edilib. "Rəsmi  Facebook səhifəm artıq təsdiqləndi. Bu işdə mənə Şəhriyar Tağızadə çox böyük kömək oldu. Bu arada təsdiqlənmiş ilk prodüser də mən oldum", -deyə Tolik sevincini bölüşüb.

   Müğənni Günay İbrahimli çimərlik fotolarını paylaşıb. Sənətçinin makiyajsız halı müzakirələrə səbəb olub. Bir çoxları onun tanınmaz halda olduğunu yazıb

   Müğənni İzzət Bağırzadənin İnstaqram profili oğurlanıb. Sənətçi bildirib ki, dörd gündür profilini bərpa etməyə çalışır: “Hansısa nanəcib insanlar mənim İnstaqram profilimi sındırmışdılar və səhifəmi oğurlamışdılar, mərdimazarçılıq etmişdilər. Amma hər şeyə qadir Allahım məni məyus olmağa qoymadı. Yaxşı dostlarımın köməkliyi ilə səhifəmi çətinliklə də olsa, bərpa edə bildim. Sağ olsun yaxşı dostlar. Onlar neçə gündür mənimlə bərabər səhifəmin düzəlməsi üçün əllərindən gələni əsirgəmədilər. İnşallah, bundan sonra yenə də izləyicilərimlə birlikdə olacağam”.

 

Əhəd Miriyev

 

MuzTv.az