Röya Ayxan İbrahim Tatlıses və Özcanla bir arada

Əməkdar artist Röya Ayxan Türkiyədə keçirilən “Demokratiya və Şəhidlər” mitinqinə qatılıb. 

      Əməkdar artist Röya Ayxan Türkiyədə keçirilən “Demokratiya və Şəhidlər” mitinqinə qatılıb. Müğənni orada İbrahim Tatlısəs və Özcan Dənizlə bir araya gəlib. Fotosunu izləyiciləri ilə bölüşən Röya Özcan Dənizin onu təriflədiyini bildirib:“Bu gün qardaş ölkə birlik nümayiş etdirdi. 6 milyona yaxın insan və bütün ulduzlar çiyin-çiyinəydi. Mənzərə möhtəşəm idi. Bir də əsən bayraqlar arasında Azərbaycan bayrağını görmək şərəf idi.Ən yaddaqal dəqiqə imperatorun əlimi tutub, "Mahnılarını göndər, mən də qulaq asım” deməsi oldu. Bu arada, məni ona Özcan Dəniz təriflədi".

       Əməkdar artist Sevda Ələkbərzadə saç düzümündə dəyişiklik edib Axşam.az-ın məlumatına görə, müğənni saçının arxa hissəsini keçəl qırxdırıb. Fotolarını paylaşan S.Ələkbərzadə “İş prosesi, mən bunu etdim” şərhini yazıb.

       Rejissor Kənan M.M. müğənni həyat yoldaşı Aygün Mahmudova ilə Elton Hüseynəliyevin ad gününə qatılıb. Rejissor son vaxtlar xanımı ilə birlikdə heç bir tədbirə və verilişə qatılmır. O, ailəsi ilə gündəmə gəlməyi sevmədiyini bildirib.A.Mahmudova üçüncü dəfə ana olduqdan sonra sənətinə ara verib. Qeyd edək ki, Kənan və Aygün cütlüyünün iki qız, bir oğlan övladı var.

     Müğənni Elton Hüseynəliyevin ad günü olub. 33 yaşı tamam olan ifaçı özəl gününü yaxınları və sənət dostları ilə birlikdə keçirib. E.Hüseynəliyevin prodüseri Tarix Əliyevin (Tolik) təşkilatçılığı ilə şəhər restoranlarından birində baş tutan məclisə müğənnilər xanımları və övladları ilə birlikdə qatılıb. Gecədə qonaq olan sənətçilər səbəbkar üçün mahnılar da səsləndirib. 

 

Rəvan Nasiroğlu

 

Muz-Tv.az