Xalq artisti İngiltərədə dincəlir

Xalq artisti Fidan Hacıyeva yay istirahətini İngiltərədə dincələrək keçirir. 

    Xalq artisti Fidan Hacıyeva yay istirahətini İngiltərədə dincələrək keçirir. Axşam.az-ın məlumatına görə, müğənni fotolarını izləyiciləri ilə bölüşüb. Qeyd edək ki, F.Hacıyeva Filipp adlı əcnəbi vətəndaşla ailə qurub. Cütlüyün üç övladı var.

    Əməkdar artist Murad Dadaşovun rəhbərlik etdiyi “M Group Production” təşkilatının dəstəyi ilə “Bayram axşamı” adlı yeni filmin çəkilişinə başlanılıb. Çəkilişləri paytaxt və bölgələrdə aparılan ekran əsəri komediya janrındadır.
 Ekran işində rəqqasə Oksana Rəsulova, repçi Fərid Eminov, aktyor İslam Mehrəliyev, teleaparıcı Xose Bernardo və başqaları çəkilir.

     Müğənni Zamiq Hüseynov saç düzümünü dəyişib. ifaçı yeni görünüşdə videosunu izləyiciləri ilə bölüşüb. Sənətçi sevənlərinə müraciət edərək, yeni görünüşünün yaraşıb-yaraşmamasını soruşub: “Yeni saç düzümümü təqdim edirəm. Xoşunuza gəldi, yoxsa gəlmədi? Əgər bəyənənlər çox olsa, saçımı belə saxlayacağam. Çox sərt danışmaq olmaz. Artıq söz yazanı “qara siyahı”ya atacam”.

    “Eurovision-2011”in qalibi, müğənni Nigar Camal şəxsi həyatından danışıb. Müğənni həyatında sevdiyi şəxsin olmadığını deyib: “Məni ancaq sevgi depressiyaya sala bilər. Şəxsi həyatımda heç kim olmasa da, özümü xoşbəxt hiss edirəm. İki gözəl qızım böyüyür, valideynlərim yanımdadır. Heç kimi sevmirəm. Ən yaxşısı tək qalmaqdır. Tək olanda əsəblərim pozulmur”.Müğənni bəyəndiyi kişi tipindən də danışıb: “Mənim üçün kişinin çox yaraşıqlı olması vacib deyil. Əsas odur ki, yaxşı insan olsun. Mənə hörmət etsin və diqqət göstərsin. Ən əsası da dostum olsun. İncəsənət nümayəndəsi ilə nə sevgili olaram, nə də evlənərəm. Uşaqlıqda Antonio Banderası sevirdim. İndi qocalıb, bəyənmirəm”.Qeyd edək ki, bir müddət öncə müğənninin yüksək vəzifəli məmurun oğlu ilə sevgili olduğu və sevgilisinin qohumları tərəfindən döyüldüyü barədə xəbərlər yayılmışdı.

 

Sevda Məmmədova

 

Muz-Tv.az