Ayan qızı Selena ilə istirahətdə

Müğənni Ayan Babakişiyeva qızı Selena ilə birlikdə Gürcüstanda dincəlir. 

    Müğənni Ayan Babakişiyeva qızı Selena ilə birlikdə Gürcüstanda dincəlir. Axşam.az-ın məlumatına görə, İstanbulda yaşayan ifaçı bir müddətlik Bakıya qayıtmışdı. A.Babakişiyeva libaslarının bir hissəsini satışa çıxarıb, orada əldə etdiyi məbləğlə kimsəsiz uşaqlara yardım edib. Bununla bağlı müğənni Gürcüstan səfərindən əvvəl Gəncəyə yollanıb. “Allah bütün kəsilən qurbanları qəbul etsin. Mən satılan libaslarımdan qazandığım məbləğin bir qismi ilə nəsə etdim” deyə, sənətçi bildirib.

    Müğənni Rəqsanə İsmayılova mediadan gizlətdiyi həyat yoldaşıyla bağlı maraqlı fotolar paylaşıb. Əri ilə istirahətə yollanan ifaçı şəkillərdə onun ya qollarını, ya da ayağını göstərib. Rəqsanə fotoya “Hər bir qadının söykənəcəyi arxası, dayağı və ona yanında güc-qüvvət verən kişisi olmalıdır. Arzu edirəm ki, xanımlar xoşbəxt olsunlar. Hər zaman arxanız, dayağınız olsun. Heç vaxt həyatda tək qalıb büdrəməyin” şərhini yazıb. Qeyd edək ki, R.İsmayılovanın iki qızı var. Sənətçinin hazırda ailəli olduğu şəxs onun qızlarını öz soyadına keçirib.

    Müğənnilər Nura Suri və Natavan Həbibi təşkil olunan məclislərin birində fotokameralar qarşısında səmimi poza veriblər. Primetime.az xəbər verir ki, hər iki məşhur bir-birinin ünvanına xoş sözlər deməklə, dostluqlarını nümayiş etdirib: "Nata ən sevdiyim müğənnidir. Səhnəyə çox yaraşır. O, əsl Azərbaycan qızıdır", - deyən Nuranın tərifinə, Həbibi də özünəməxsus şəkildə cavab verib: "İllərdir səmimiyyəti ilə nümunə olan Nura, mənim üçün sözün həqiqi mənasında dostdur. Səhnəni onsuz təsəvvür edə bilmirəm. Nura həm də gözəl və qayğıkeş anadır. Allah övladlarını qorusun".

   Əməkdar artist Röya Ayxan Türkiyədə yeni fotosessiya etdirib. Axşam.az-ın məlumatına görə, müğənni çəkilişdən videonu izləyiciləri ilə bölüşüb. O, yeni işinin yaxın günlərdə təqdim olunacağını bildirib. R.Ayxan eyni zamanda “Yolun açıq olsun” adlı mahnısına klip çəkdirib. Klipin rejissorluğu Nihad Odabaşına həvalə olunub.

 

Rəvan Nasiroğlu

 

Muz-Tv.az