Faiq Ağayev: “Müğənni təkcə oxuduğu mahnılarla gündəm yaratmamalıdır”

Xalq artisti Faiq Ağayev yeni imici ilə yenidən diqqətləri öz üzərinə çəkib. 

   Xalq artistiFaiq Ağayev yeni imici ilə yenidən diqqətləri öz üzərinə çəkib. PrimeTime.Az-ın fotokamerası qarşısına keçib şəkil çəkdirən F.Ağayev xarici görünüşü ilə “Federal Təhlükəsizlik Xidməti”nin əməkdaşlarını xatırlatması şərhinə belə cavab verdi:“Səhnə insanı hər zaman fərqli olmağı bacarmalıdır.Müğənni təkcə oxuduğu mahnılarla gündəm yaratmamalıdır. Səliqəli və gözoxşayan geyim seçimi mütləqdir.O ki, qaldı indiki imicimə, bu "Versace"nin ən son kolleksiyasından biridir. Baxmayaraq ki, bütünlüklə qaraya bürünmüşəm, özümü çox komfortlu hiss edirəm”.

   Xalq artisti Samir Cəfərov “Sevənləri bağışlayın” adlı yeni mahnısını təqdim edib. Axşam.az-ın məlumatına görə, bəstənin sözləri Baba Vəziroğluna, musiqisi Məlahət Məmmədovaya aiddir. Bəstənin aranjimanını Ruslan Səfəroğlu edib. 

   Müğənni Natavan Həbibi yay istirahətini Yessentukidə keçirir.Sənətçi istirahət fotolarını sosial şəbəkədə paylaşıb. N.Həbibi təəssüratlarını bölüşərək, gəzintini çox bəyəndiyini vurğulayıb:“Bu yerlər çox xoşuma gəldi. Milli dəyərlərini qoruyaraq təşkil olunan xidmətləri də bəyəndim. Dağ bitkilərindən hazırlanmış çox dadlı çay, şirniyyatlar, burada hazırlanan ballar əladır. Ən məşhur şirniyyat da baldan düzəldilir. Nənələr deyir ki, onu əllə yemək lazımdır. Elə də yedim... Elə şəlalənin adı da “Bal”dır. Hərəsinin öz yeri var. Üstəlik bu ab-havanı sevdiklərinlə bir paylaşırsansa...”.

   Müğənni Faytonçu Nazim maraqlı video paylaşıb. Almaniyada dincələn ifaçı orada küçədə Azərbaycan xalq mahnısı “Sarı gəlin” səsləndiyini bildirib. Küçə musiqiçisi tütəklə mahnını ifa edib. Onu videoya çəkən Nazim “Almaniyanın Hannover şəhərində “Sarı gəlin” mahnısını azərbaycanlı olmayan birinin ifasında eşitmək nə qədər də qürur vericidir” deyə, bildirib.

 

Əhəd Miriyev

 

MuzTv.az