Xalq artisti Aygün Kazımova Almaniyaya yola düşüb

Axşam.az-ın məlumatına görə, müğənni avqustun 27-də orada keçiriləcək "DAF BAMA Music Awards 2016" mükafatlandırma mərasiminə qatılacaq. 

   Axşam.az-ın məlumatına görə, müğənni avqustun 27-də orada keçiriləcək "DAF BAMA Music Awards 2016" mükafatlandırma mərasiminə qatılacaq. Mərasimin rəhbərliyi A.Kazımovanın “Azərbaycanın ən yaxşı qadın sənətçisi” nominasiyasında mükafat alacağını açıqlayıb.A.Kazımova adıçəkilən beynəlxalq mükafatlandırma mərasiminə dəvət olunan ilk azərbaycanlı sənətçidir.Dünya ulduzları ilə bərabər qırmızı xalıdan keçəcək xalq artisinin libasını modelyer Gulya Chagtex hazırlayıb. Sənətçinin stili üzərində isə Ruxa çalışıb."DAF BAMA Music Awards"da Aygün Kazımovanın prodüserliyini Gürcüstanın ən məşhur prodüser və pop ifaçılarından olan Stefane Mqrebrişvili edəcək.

   Əməkdar artist Abbas Bağırov məşhur İran müğənnisi Ququşun repertuarından mahnı oxuyub. “Eşq” adlanan mahnının musiqisi Nickanın, sözləri Babək Sahrainindir. Bəstənin aranjimanı Taleh Ağayevə həvalə olunub.

   Türkiyədə yaşayan müğənni İradə İbrahimova ötən həftə bir günlük Bakıya gəlib. Toy mərasiminə qatılan sənətçi fotolar da çəkdirib. İ.İbrahimova qırmızı uzun libas geyinib. Sənətçi əməkdaşımızla söhbətində Türkiyədə yeni klip çəkdirəcəyini, artıq hazırlıqlara başlanıldığını deyib.

   Bu gün müğənni Samira Allahverdinin ad günüdür. Sənətçi 39 yaşını qeyd edir. Təəssüratlarını bölüşən ifaçı özəl gününü təmtəraqlı qeyd etməyəcəyini bildirib:“Sev, yaşa, inan... Yolunu, əqidəni, imanını dəyişmə. Bil ki, bu dünyada hər şey müvəqqətidir. Kim səni atsa, əzsə, satsa, sən satma, aldatma. Çünki elədiyin əməlin cavabını sən verəcəksən. İnan, arzuların yerdə qalmayacaq. İnan, sadəcə, inan. Səni yaradana inan. Yaşımın üstünə bir yaş da gəldi. Doğum günüm mübarək”.Qeyd edək ki, S.Allahverdinin bir oğlan, bir qız övladı var. Müğənninin oğlu Əli bu il universitetə daxil olub.

 

Əhəd Miriyev

 

MuzTv.az