Merhum xalq artisti Yaşar Nurinin doğum günüdür

Bu gün xalq artisti, görkəmli kino və teatr aktyoru Yaşar Nurinin doğum günüdür. 1951-ci il sentyabrın 3-də Bakıda anadan olan Yaşar 

   Bu gün xalq artisti, görkəmli kino və teatr aktyoru Yaşar Nurinin doğum günüdür. 1951-ci il sentyabrın 3-də Bakıda anadan olan Yaşar Məmmədsadıq oğlu Nuriyev Azərbaycan Dövlət İncəsənət İnstitutunun dram və kino aktyorluğu fakültəsində təhsil alıb. O, tanınmış səhnə xadimləri Rza Təhmasib və Əliheydər Ələkbərovdan aktyorluq sənətinin incəliklərini öyrənib. Mərhum aktyor 1974-cü ildə Akademik Milli Dram Teatrının baş rejissoru Tofiq Kazımovun dəvətilə bu kollektivin aktyor truppasına qəbul olunub. Yaşar Nuriyev Milli Dram Teatrında işlədiyi illərdə repertuardan düşməyən 20-dən çox tamaşada yaddaqalan obrazlar yaradıb. Bunların sırasında Sərsəm Salman (“Dəli yığıncağı”), Məşədi Oruc (“Ölülər”, C.Məmmədquluzadə), Əbdüləli bəy, (“Sevil”, C.Cabbarlı), Ağamusa Nağıyev (“Mesenat”, Ə.Əmirli), Kürən (“Xəcalət”, H.Mirələmov) Rəhman (“Fəryad”, B.Vahabzadə), İsgəndərzadə (“Ah, Paris… Paris!..”, Elçin), Xandəmir (“Afət”, Hüseyn Cavid) və s. xüsusi yer tutur. İstedadlı aktyor teatr sənətində böyük uğurlara görə Azərbaycan Respublikasının Lenin Komsomolu (1984), “Qızıl dərviş” (1992 və 1996) mükafatları laureatıdır. Səhnədə və ekranda yaratdığı parlaq obrazlara görə 1981-ci ildə əməkdar, 1989-cu ildə isə xalq artisti fəxri adına layiq görülüb. 2012-ci il sentyabrın 1-də respublika Prezidentinin fərmanı ilə “Şöhrət” ordeni ilə təltif edilib. Tanınmış aktyor uzun sürən xəstəlikdən sonra 2012-ci il noyabrın 22-də ömrünün 62-ci ilində vəfat etdi. 

   Əməkdar artist Bəhram Bağırzadə arxiv fotolarını izləyiciləri ilə bölüşüb. Axşam.az-ın məlumatına görə, aktyor şəkilləri müxtəlif illərdə çəkdirdiyini vurğulayıb. Şəkillərdə B.Bağırzadə ilə yanaşı gənclər və idman naziri Azad Rəhimov, əməkdar artist Tahir İmanov, rusiyalı aparıcı Andrey Makareviç və başqaları yer alıb.

    Müğənni Xatirə İslam yeni mahnısını təqdim edib.PrimeTime.Az xəbər verir ki, "Özü bilir" adlanan mahnının musiqisi və aranjimanı Rabil Səfərliyə, sözləri isə Rauf Sübhiyə məxsusdur. Qeyd edək ki, ötən həftə sözügedən mahnıdan bir hissəni instagram səhifəsində paylaşan müğənni "Tezliklə gəlirəm" şərhini yazmışdı.

   Aktyor Elnur Kərimovun oğlunun 1 yaşı tamam olub.Aktyor övladının yeni fotosunu izləyiciləri ilə bölüşüb."Tamerlan bala, 1 yaşın mübarək. Nə yaxşı ki, varsan" deyə, E.Kərimov bildirib. Qeyd edək ki, aktyorun bir qız övladı da var.

 

Əhəd Miriyev

 

MuzTv.az