Xalq artisti, mərhum sənətkar Səyavuş Aslanın doğum günüdür
Xalq artisti, mərhum sənətkar Səyavuş Aslanın doğum günüdür.
Xalq artisti, mərhum sənətkar Səyavuş Aslanın doğum günüdür.Azərbaycan realist aktyor məktəbinin görkəmli nümayəndələrindən olan Səyavuş Aslan 1935-ci il sentyabrın 5-də Bakıda dünyaya göz açıb. Aktyorluğa həvəskar kimi dram dərnəyindən başlayıb. O, 1963-1969-cu illərdə Azərbaycan Dövlət İncəsənət İnstitutunda musiqili komediya aktyorluğu ixtisası üzrə ali təhsil alıb.Əmək fəaliyyətinə 1957-1958-ci illərdə Azərbaycan Dövlət Estrada Birliyində başlayan Siyavuş Aslan 1958–1959-cu illərdə Quba Dövlət Dram Teatrında, 1959-1984-cü illərdə Azərbaycan Dövlət Musiqili Komediya Teatrında, 1984–1994-cü illərdə isə Azərbaycan Dövlət Akademik Milli Dram Teatrında aktyor kimi çalışıb. O, "Hamlet", "Böyük Romul", "Ax, Paris, Paris", "Mənim sevimli dəlim", "Hicran" , "Poçt şöbəsində xəyal", "Varlı qadın", "Sevgililərin cəhənnəmdə vüsalı", "Bizim qəribə taleyimiz" tamaşalarında, "Ulduz", "Bəyin oğurlanması", "Yol əhvalatı" filmlərində, "Yaşıl eynəkli adam, "Qaynana əməliyyatı" və s. teletamaşalarda yaratdığı bir-birindən yaddaqalan obrazlar qalereyası ilə böyük tamaşaçı sevgisi qazana bilib.1994-cü ildə o, Azərbaycan Dövlət Musiqili Komediya Teatrına bədii rəhbər təyin edilib. 1996-cı ildə Səyavuş Aslan yenidən Akademik Milli Dram Teatrına qayıdaraq ömrünün sonunadək taleyini bu sənət ocağı ilə bağlayıb.Teatr aktyorluğu sahəsində görkəmli sənətkar kimi tanınan Səyavuş Aslan həm də məşhur kino ustası olub. Onlarla filmdə müxtəlif xarakterli sadə insanların, müftəxorların, fırıldaqçıların obrazlarını kinolentin yaddaşında yaşadıb. Səyavuş Aslanın teatr və kino sənətinə həsr etdiyi mənalı yaradıcılıq yolu neçə-neçə gənc aktyor nəsli üçün əsl sənət məktəbidir.O, bir çox mükafat və fəxri adlar alıb, müstəqil Azərbaycan Respublikasının ali dövlət təltifləri olan "Şərəf", "Şöhrət" ordenlərinə və "Azərbaycan Respublikası Prezidentinin fəxri diplomu"na layiq görülüb.Sənətkar 2013-cü ilin iyunun 27-də dünyasını dəyişib.
Əməkdar artist Röya Ayxan solo konsertə hazırlaşır. Axşam.az-ın məlumatına görə, sənətçi bu dəfə üç gün konsert verəcək. İfaçı bu xəbəri izləyiciləri ilə bölüşüb.Tədbir noyabrın 25, 26 və 27-də baş tutacaq.
Müğənni İradə İbrahimovanın qızı İpek bu il 1-ci sinfə qədəm qoyub. Türkiyədə yaşayıb, fəaliyyət göstərən müğənni qızı İpeyin məktəbli formasında olan şəkilini izləyiciləri ilə paylaşaraq, sevincinin hədsiz olduğunu bu sözlərlə ifadə edib: "Məktəbli qızım İpeyim... Allah bütün övladlarımızın yolunu açıq, şanslarını bol eləsin. Yeni dərs ilinə başlayan bütün övladlarımızı təbrik edirəm. Allah zehin açıqlığı versin! Xoşbəxt, sevincli, sağlıqlı bir il olsun həm övladlarımız , həm də valideynlərimiz üçün. 1A sinifi İpek İzer..."
Rəqqasə Fatimə Fətəliyeva yeni klipi üçün kamera qarşısına keçib. Sənətçi bu dəfə dahi bəstəkar Üzeyir Hacıbəylinin “Cəngi” əsərinə müraciət edib. Çəkilişləri Xızıda aparılan ekran işinin rejissoru Nail Naiboğludur. Rejissor çəkilişlərin gecə saat 3-ə qədər davam edəcəyini bildirib. F.Fətəliyevanı klipdə 10 rəqqas müşayiət edəcək.
Əhəd Miriyev
MuzTv.az