Murad Dadaşov oğurluqla üzləşdi

Əməkdar artist, teleaparıcı, MGP (M Group Production) şirkətinin prezidenti Murad Dadaşov oğurluqla üzləşib.

    Əməkdar artist, teleaparıcı, MGP (M Group Production) şirkətinin prezidenti Murad Dadaşov oğurluqla üzləşib.Axşam.az-ın məlumatına görə, polisə müraciət edən M.Dadaşov bildirib ki, Bakı şəhəri, Səbail rayonu, İçərişəhər ərazisində layihə rəhbəri olduğu filmin çəkilişləri zamanı aktyorların istifadə etdikləri paltarlar və milli geyimlər naməlum şəraitdə oğurlanıb.Polis fakt üzrə araşdırma aparır.

    Müğənni Lətifə Soyuöz “Aşk bu” adlı yeni mahnısını təqdim edib. Bəstənin sözləri və musiqisi Günel Sərdarqızına aiddir. Mahnının aranjiman işi Yaşar Baxışa həvalə olunub. L.Soyuöz mahnını oğlu Arifə həsr etdiyini bildirib:“Oğlum dünyaya gələndə Günel xanım mənə bu mahnını hədiyyə etdi. Çox xoşuma gəldi. Mənim və Arifin ən sevimli mahnısıdır. Bu, Arifə eşq etirafımdır”. Qeyd edək ki, L.Soyuöz eyni zamanda Azərbaycan Dövlət Filarmoniyasının solistidir. 

    Müğənni Əbdül Xalid “Gecədən sübhədək” adlı mahnısına klip çəkdirib.İfaçı bildirib ki, bəstənin müəllifi Asif Kərimovdur:“Bu mahnını 23 il bundan əvvəl əməkdar artist Mətanət İsgəndərli ifa edib və öz möhürünü vurub. Dinləyicilərin eşitdiyi bir mahnını oxumağı hər adam risk etmir. Amma mən bu məsuliyyətli işi öz üzərimə götürməkdən çəkinmədim. Asif Kərimovdan və Mətanət xanımdan xeyir-dua almışam. Bəstəni Bəbir Bəbirli yenidən aranjiman edib. Klipin ideya müəllifi Samir Bayramlı, rejissoru Tural Yusiflidir. Ssenariyə uyğun olaraq çəkilişlərimizi doğulub boya-başa çatdığım Tovuz rayonunda etdik. Komanda olaraq 2 gün yuxusuz qaldıq. İnanıram ki, əziyyətimiz hədər getməyəcək və klipimiz bəyəniləcək”.

    Aktyor Elnur Kərimov xaricdə film təklifləri aldığını bildirib. Sənətçi açıqlamasında gələn təklifləri dəyərləndirmədiyini vurğulayıb:“Xaricdən təkliflər gəlir. Rusiyadan aldığım təkliflərdə 10 mindən yuxarı qonorar verirlər. Amma razılaşmıram”.

 

Əhəd Miriyev

 

MuzTv.az