Röya Ayxan Türkiyədə konsert verəcək

Əməkdar artist Röya Ayxan Türkiyədə konsert proqramı ilə çıxış edəcək.

   Əməkdar artist Röya Ayxan Türkiyədə konsert proqramı ilə çıxış edəcək.PrimeTime.Az xəbər verir ki, Röya, sentyabrın 27-si qardaş ölkənin istirahət mərkəzlərindən sayılan Antalyanın "Türkcell Amfitiyatro" səhnəsində sevənləri ilə görüşəcək. 21:00-da start götürəcək gecədə Röya hit mahnılarını səsləndirəcək.

   Müğənni Miri Yusif “Ad günü” adlı yeni mahnısını və klipini təqdim edib. Axşam.az-ın məlumatına görə, bəstənin sözləri və musiqisi Orxan Qarabasmaya aiddir. Mahnının aranjimanı Nadir Nəğd Pula həvalə olunub. 
Müğənni Dilarə Kazımovanın rol aldığı klipi rejissor Fərhad Əli ərsəyə gətirib.

   “Eurovision”təmsilçilərimizdən olan müğənni Səbinə Babayeva repertuarına iki yeni mahnı daxil edib. Mahnılar "Tək sevgim" və "Sevgimə yol ver" adlanır."Tək sevgim" adlı mahnı "28 iyun" serialının soundtrekidir. Mahnının sözləri ifaçının özünə, musiqisi isə Bəbir və Ülviyyə Bəbirlilərə aiddir. Bu, sənətçinin musiqi yaradıcılığılında "Röya kimi" mahnısından sonra ikinci ifa etdiyi soundtrekdir". Sözləri Səbinə Babayevanın özünə məxsus daha bir mahnı isə "Sevgimə yol ver"dir. Bu yeni işin musiqisi isə dünyaca məşhur Devid Qettanın "When love takes over"-in "Cover"-i ilə eynisidir.

   Müğənni Elnarə Xəlilova 3 illik fasilədən sonra yenidən aparıcılığa başlayır. Xanım müğənni qonşu kanalların birində "Xanımlar saatı" adlı proqramda aparıcılıq edəcək. Elnarə bu layihənin də uğurlu olacağını bildirərək, verilişlə bağlı bunları bildirib:“Proqram həftə içi 5 gün, saat 12:45-də efirə gedəcək. Öz imicimdə dəyişikliklər etmişəm. Tamaşaçılar yeni verilişdə, yeni dekorasiyada, yeni aparıcını yeni imicdə görəcəklər. Komandamız çox güclüdür. Qarşımıza məqsəd qoymuşuq ki, uğurlu layihə ərsəyə gələcək".

 

Əhəd Miriyev

 

MuzTv.az