Könül Kərimova və Elvin Abdullayev duet oxudular

Müğənni Könül Kərimovanın yeni duet ortağı məlum olub.

     Müğənni Könül Kərimovanın yeni duet ortağı məlum olub.Lent.az-ın məlumatına görə, o, ifaçı Elvin Abdullayevlə “Darıxdım” adlı bəstəni oxuyub. Mahının sözləri Arzu Yahyayeva, musiqisi isə əməkdar artist Abbas Bağırova məxsusdur.

    Müğənni Xatirə İslam ikinci dəfə ana olmaq istəyir.Axşam.az-ın məlumatına görə, sənətçi  məsələ ilə bağlı bunları deyib:“Elə bir şey olsa, danışacam. Oğlan kimi adamam, belə söhbətlər xoşlamıram, utanıram".X.İslam həyat yoldaşı Fəxrəddinin ona tutduğu iradlardan da bəhs edib:“Hərdən evdə “gələjəm” deyirəm, yoldaşım əsəbiləşir. Deyir, “gələcəm” de, axı efirdə belə danışmırsan. Müğənnilərin bəziləri efirdə o qədər bədii dildə tanışırlar ki, özləri də mənasını başa düşmür. Özüm kimi olmaq istəyirəm, yalandan niyə danışım".Qeyd edək ki, Xatirə və Fəxrəddin cütlüyünün Emil adlı bir oğlu var.

   Müğənni Niyam Salami nə vaxt evlənəcəyindən danışıb:Ifaçi  açıqlamasında evlənmək xatirinə ailə qurmaq istəmədiyini bildirib:"Bu yaxınlarda ailəmizin kiçiyinin toyu oldu. Hələ özümə gəlim, sonra düşünəcəm. Evlənmək xatirinə evlənmək istəmirəm. Bir övladım olsun, o da nadürüst olsun, nəyimə lazımdır elə övlad?Evlənməyə sırf evlilik gözü ilə baxmıram. Sıravi insanlar kimi düşünmürəm evliliyi. Mənim sənətim başqadı, həyat tərzim başqadı. Başqa bir şey istəyirəm mən. Başqa cür yatıram, başqa cür dururam, başqa cür yeyirəm və s. Bunlar fərqlidir. Ailə gözəldir. Amma zamanında və vaxtında. Çoxuşaqlı ailə də gözəldir. Məsələn, biz 8 uşaq olmuşuq. Çox uşaq olması gözəldir. Hər kəs bir-birinin dadına, köməyinə yetir".

   Müğənni Samira Allahverdi şou-biznes aləmindəki yalançı dostluqlardan yorulub.İfaçı bu barədə açıqlamasında bildirib:“Uşaq vaxtı bu sənətin dəlisi idim. İndi anlayıram ki, heç nəyin dəlisi olmaq lazım deyil. Hər şeyi qədərində sevmək lazımdır”. Bir-iki tamaşaçın səni layiqli sevsə, bəsdir. Sənətdən yorulmadım, süni, yalançı dostluqdan yoruldum. Təqdimatlar olur, hamı elə-belə gəlir. İnsanlar və zaman dəyişdi. Bunlar məni yordu. Sənətdən uzaqlaşsam, evdə oturub, övladlarıma baxmaq istəyərdim”.

 

Əhəd Miriyev

 

MuzTv.az