Abbas Bağırov Mirzə Babayevin mahnısını oxuyub

Əməkdar artist Abbas Bağırov toy mərasimlərindən birində fotokameraya tuş gəlib.

   Əməkdar artist Abbas Bağırov toy mərasimlərindən birində fotokameraya tuş gəlib.Axşam.az-ın məlumatına görə, ifaçı yeni mahnılar üzərində çalışdığını bildirib. O, xalq artisti Mirzə Babayevin “İndi günah nə səndədir, nə məndə” mahnısını yeni aranjimanda hazırladığını bildirib. Bəstənin sözləri Həmid Abbasa, musiqisi Oqtay Rəcəbova məxsudur.

   Prodüser Tarix Əliyev (Tolik) sosial şəbəkədə yeni fotosunu paylaşıb.O fotoya: “Baxın, saqqalım ağarıb. Deməli, şou-biznesin ağsaqqalı özüməm”sözlərini yazıb.Tolik bəzi botokslu kişi müğənnilərə də söz atıb:“Saqqalım qara olsaydı da, sözüm botokslu ağsaqqallardan çox keçir”.

  Aktyor İlham Qasımovun lentə aldığı “Oğlan evi 2” filminin çəkilişləri başa çatıb. Tədbirlərin birində fotokamera qarşısına keçib şəkillər çəkdirən İ.Qasımov ekran işinin təqdimatının dekabrda baş tutacağını bildirib.Qeyd edək ki, “Oğlan evi 2” filmində Qurban Məsimov, Nicat Rəhimov və başqaları çəkilib.

   Yumor ustası Fərda Xudaverdiyevin “Selfinaz” adlı stand-up şousunun kinoteatrlardakı nümayişinə sayılı günlər qalıb. İddialı danışan aktyor izləyicilərin dayanmadan güləcəyini deyib:“20 oktyabrdan etibarən stand-up kinoteatrlarda yayımlanacaq. Tamaşaçılar 70 dəqiqə dayanmadan güləcəklər. Əgər insanları bu qədər güldürən başqa bir layihə olubsa, söz verirəm daha bu işlə məşğul olmayacağam. Bu mənim neçə illik hazırlığımın nəticəsidir”.

 

Əhəd Miriyev

 

MuzTv.az